Kigali

Visi Meya wa Kicukiro n abandi bayobozi bari bafunzwe bakekwaho gukoresha nabi umutungo wa JADF bagizwe abere

Amakuru   Yanditswe na: Dusingizimana Remy 22 March 2019 Yasuwe: 2863

Urukiko rw’ibanze rwa Kicukiro rwagize abere Visi Meya w’aka karere Mukunde Angelique ndetse n’Umunyamabanga Nshingwabikorwa w’Umurenge wa Kanombe bari bakurikiranyweho gukoresha nabi umutungo w’ihuriro ry’abafatanyabikorwa mu iterambere ry’akarere (JADF) .

Kuri uyu wa Gatanu taliki ya 22 Werurwe nibwo urukiko rwasomye umwanzuro ku ifungwa n’ifungurwa ry’agateganyo r’abantu 6 bari mu bagize ihuriro ry’abafatanyabikorwa mu iterambere ry’akarere (DJAF) ka Kicukiro barimo uyu Visi Meya ushinzwe iterambere n’ubukungu ndetse n’abandi batanu bakekwagaho gukoresha nabi umutungo wa JADF.

Ubushinjacyaha bwareze aba bakozi batandatu b’Akarere ka Kicukiro gukoresha nabi umutungo ufitiye rubanda inyungu aho ngo bafataga mu buryo bunyuranyije n’amategeko amafaranga y’iri huriro mu nyungu zabo bwite.

Aba bantu bose uko ari 6 bahakanye ibyaha baregwa birimo kurigisa amafaranga agera kuri 1 900 000Frw y’iri huriro rya Kicukiro.

Aba bayobozi basobanuye ko amafaranga bagiye bahabwa bayahawe kimwe n’abandi banyamuryango bagize ihuriro igihe cyose babaga bagize ibyago cyangwa ibirori.

Urubanza rwaburanishijwe kuwa kabiri w’iki cyumweru buri wese aburana ukwe kandi yunganiwe, uyu munsi hasomwe imyanzuro y’Urukiko habanje gusubirwamo uko baburanye.

Urukiko rwanzuye ko rusanga ibyakozwe n’abaregwa bose byaraciye mu mucyo bitarimo icyaha baregwa n’umushinjacyaha cyo kunyereza ibya Leta.

Umucamanza yavuze ko nta mpamvu zikomeye zituma abaregwa bakomeza gukurikiranwa kuri iki cyaha ndetse ategeka ko bose bahita barekurwa agisoma iki cyemezo, byari ahagana saa kumi n’igice.

Mu cyumba cy’urukiko cyari kirimo abantu benshi cyane bo mu miryango n’inshuti z’abaregwa hahise humvikana amashyi n’impundu kugeza ubwo umucamanza yihaniza ngo baceceke.

Ubushinjacyaha bufite iminsi itanu yo kujuririra umwanzuro w’urukiko.

Source:UMUSEKE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Sudani: Abigaragambya biyemeje gushyiraho leta yabo y’inzibacyuho yo...

Abanya Sudani bakomeje imyigaragambyo yo gusaba abasirikare baheruka...
20 April 2019 Yasuwe: 939 0

Inzoka ebyiri zateye Perezida George Weah mu biro bye ahungira...

Inzoka ebyiri z’umukara zinjiye mu nyubako perezida wa Liberia,George Weah...
19 April 2019 Yasuwe: 4774 0

Perezida Kagame yasabye abacamanza kudasumbanya abantu imbere y’amategeko no...

Nyakubahwa Perezida wa Repubulika yasabye Abacamanza ndetse n’abayobozi ba...
18 April 2019 Yasuwe: 1599 1

Afurika yunze Ubumwe yategetse ubuyobozi bwa Sudan gusubiza ubutegetsi...

Akanama gashinzwe umutekano mu muryango w’Ubumwe bw’Ibihugu bya Afrika, AU,...
16 April 2019 Yasuwe: 882 0

Umuntu utazwi yajyanye ururabo rwanditseho ngo “Tuzahora tubibagirwa” ku...

Umuntu utaramenyekana wari mu bagiye Kwibuka Jenoside yakorewe Abatutsi ku...
16 April 2019 Yasuwe: 5903 3

Musanze: Abashumba baragirira abayobozi bakomeye bakubise aba Dasso...

Abaturage bo mu Murenge wa Cyuve mu karere ka Musanze,barasaba Leta...
15 April 2019 Yasuwe: 2852 0