Abakekwaho gushimuta wa mukerarugendo w’umunyamerika n’umushoferi we bafatiwe muri RDC

Amakuru   Yanditswe na: Dusingizimana Remy 8 May 2019 Yasuwe: 1860

Abagabo babiri bakekwaho gushimuta mukerarugendo w’umugore witwa Kimberly Sue ukomoka muri US,we n’umushoferi wari umutwaye Jean-Paul Mirenge, bashimutiwe muri pariki yitiriwe Queen Elizabeth kuwa kabiri taliki ya 02 Mata 2019,bamaze gufatirwa muri RDC ndetse bagiye koherezwa muri Uganda aho bakoreye ibyaha.

Uyu munyamerika yashimuswe kuwa kabili taliki ya 2 Mata 2019 hagati ya saa kumi n’imwe na saa moya z’umugoroba muri Pariki yitiriwe Umwamikazi Elizabeth, bituma inzego z’umutekano muri Uganda zihangayika.Aba bagabo batse miliyari 1.8 z’amashilingi kugira ngo barekure aba bantu 2 ariko baza kwishyurwa miliyoni 112 gusa.

Aba bagabo bombi bivugwa ko bagize uruhare mu ishimutwa ry’aba bantu babiri bamaze gutabwa muri yombi, bagiye koherezwa mu gihugu cyabo nyuma yo gufatirwa muri RDC.

Alex Byamukama na Memory Derrick bafatiwe i Goma muri Repubulika Iharanira Demokarasi ya Congo mu cyumweru gishize.

Umuvugizi wa Polisi muri Uganda, Fred Enanga, yatangaje ko gahunda yo kohereza mu gihugu cyabo aba bagabo irimbanyije.

Polisi yatangaje ko aba bagabo bafatanyije n’undi witwa Onesmus Byaruhanga wafashwe mbere, bagashimuta Kimberly Sue n’uwari uri kumutembereza muri Pariki witwa Jean Paul Mirenge.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burundi: Abakinnyi b’umukino w’iteramakofe bafungiwe muri Hoteli kubera...

Abakinnyi bari bahagarariye igihugu y’Uburundi mu mikino nyafurika...
20 May 2019 Yasuwe: 188 0

Uganda: Umupolisi yafashe ku ngufu umukobwa wiga mu mashuli abanza wari...

Umupolisi ukorera mu gace kitwa Lugazi muri Uganda, afunzwe akurikiranyweho...
20 May 2019 Yasuwe: 562 0

Burundi: Abantu icyenda bishwe n’umusozi wabagwiriwe bari gucukura...

Mu gihugu cy’Uburundiharavugwa inkuru ibabaje y’abantu bagera ku icyenda...
20 May 2019 Yasuwe: 264 0

Alin yaraturitse ararira ubwo yabonaga ibaruwa yandikiwe n’umuhungu wamuhaye...

Alin Gragossian w’imyak 31 y’amavuko yaratengurwaga ubwo yafunguraga ibaruwa...
19 May 2019 Yasuwe: 5668 0

Perezida Kagame yahawe impano y’umwambaro wa Paul Pogba

Perezida wa Repubulika Paul Kagame uri i Paris mu Bufaransa aho yitabiriye...
18 May 2019 Yasuwe: 2546 0

Perezida Kagame yasuye Umunyamabanga w’Umuryango w’Ibihugu bivuga Igifaransa...

Perezida wa Repubulika y’u Rwanda Paul Kagame uri i Paris aho yitabiriye...
18 May 2019 Yasuwe: 2690 1