Abakozi bo hasi mu makipe yo mu Bwongereza bararira ayo kwarika kubera umushahara w’urusenda bahabwa

Amakuru   Yanditswe na: Dusingizimana Remy 9 August 2019 Yasuwe: 1659

Abakozi benshi bakora isuku, abacunga umutekano, abategura amafunguro n’abandi mu makipe atandukanye akina umupira w’amaguru mu Bwongereza bararira ayo kwarika kubera ko bahembwa umushahara muke utabafasha kubona iby’ibanze nkenerwa mu buzima, nkuko bitangazwa n’umuryango Citizens UK.

Amakipe yo muri shampiyona ya Premier League yinjiye amamiliyari y’amapawundi buri mwaka ariko abakozi bay obo hasi bahabwa umushara w’urusenda utabafasha kubaho neza bo n’imiryango yabo.

Ikinyamakuru BBC kiravuga ko umuryango wa Citizens UK wemeje ko amakipe ane yonyine muri 20 yo muri Premier League ari yo yiyemeje guhemba bene aba bakozi baciriritse umushahara utuma bashobora kubona iby’ibanze nkenerwa mu buzima mu gihe amakipe asigaye yashinjwe kwirengagiza "ubuzima n’akababaro k’abakozi".

Kompanyi zemewe n’ikigo Living Wage Foundation ziyemeza guhemba ku bushake abakozi bose n’abandi bafite izindi kontaro, umushahara w’amapawundi 9 ku isaha mu bice bindi by’Ubwongereza.

Amakipe yo mu murwa mukuru London yo ni amapawundi 10.55 ku isaha.

Icyo kigero kiruta igiteganywa n’amategeko agenga umushahara wo hasi ushoboka mu Bwongereza kiri ku mapawundi 8.21 ku isaha.

Amakipe ya Everton, Liverpool, Chelsea na West Ham yose yiyemeje kubikurikiza, hari n’amakipe yo muri Championship nk’ikipe ya Luton nayo akurikiza uwo mushahara ku bushake.

Gusa hari andi makipe yo afite abakozi bagihembwa umushahara utuma ubuzima bwabo busa n’ubudashoboka.

Umwe mu bakora isuku ku kibuga Old Trafford cya Manchester United, yagize ati: "Birangora kubona ifunguro ry’umuryango wanjye ndetse akenshi binsaba kugura ibiryo by’igiciro cyo hasi cyane".

Uyu mugabo utashatse ko izina rye ritangazwa, yongeyeho ati: "Urebye akayabo k’amafaranga ari mu mupira w’amaguru, byaba byiza kubona iyi kipe ihemba abakozi bose umushahara ushyize mu gaciro..."

Amakipe yo muri shampiyona ya Premier League, yose uyashyize hamwe, yaciye umuhigo wo kwinjiza amafaranga menshi cyane mu mateka, akabakaba miliyari 4.8 z’amapawundi mu mwaka w’imikino wa 2017-2018.

Ubwo umunsi wa nyuma w’igura n’igurishwa ry’abakinnyi kuri iyi mpeshyi warangiraga kuwa kane taliki ya 08 Kanama 2019, aya makipe yari amaze gusohora amapawundi miliyari 1.41 ku bakinnyi.Habuze gato ngo agere ku muhigo wa miliyari 1.43 y’amapawundi wo mu 2017.

Umuryango Citizens UK uvuga ko umwaka mushya w’imikino ugiye gutangira abakozi bamwe "bakigorwa no kubona ay’umugati".

Uyu muryango ukavuga ko ibyo "bidakwiye mu gihe amakipe ahemba akanasohora akayabo ku bakinnyi".

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Igikomangoma cy’Ubwongereza Harry n’umugore we Meghan barifuza kwimukira muri...

Igikomangoma Harry cy’Ubwongereza n’umugore wacyo Meghan Markle bahishuye ko...
20 October 2019 Yasuwe: 2698 0

Tanzania: Biravugwa ko Perezida Magufuli arembye cyane

Amakuru ari gucaracara mu binyamakuru no ku mbuga nkoranyambaga muri...
20 October 2019 Yasuwe: 4532 0

RDC: Umukuru w’inyeshyamba yiciwe mu mirwano yari ahanganyemo n’undi...

Mu ijoro ryo kuwa Gatanu taliki ya 18 Ukwakira 2019,umuyobozi w’inyeshyamba...
20 October 2019 Yasuwe: 4317 0

Perezida Erdogan yiyemeje kumena imitwe abarwanyi b’aba-Kurdes

Perezida Recep Tayyip Erdogan wa Turukiya avuga ko Turukiya "izamena...
20 October 2019 Yasuwe: 1556 0

U Rwanda rwaje ku myanya y’imbere ku rutonde rw’ahantu habereye...

Ikinyamakuru Forbes cyashyize umujyi wa Kigali ku mwanya wa Gatanu mu hantu...
19 October 2019 Yasuwe: 1607 0

Umugore yakubise umwana we mu buryo buteye agahinda arangije aranamujugunya...

Umugore ukomoka muri Ukraine yatawe muri yombi nyuma yuko akubise umwana we...
19 October 2019 Yasuwe: 2461 0