Abanyeshuri bakubise umuyobozi w’ abarimu ngo yanze kurebera amanota

Amakuru   Yanditswe na: Nsanzimana Ernest 10 August 2018 Yasuwe: 1287

Abanyeshuri biga mu mwaka wa7 w’ amashuri abanza bo mu ishuri ribanza rya Kitinotima mu karere Gulu muri Uganda bakubise umuyobozi w’ abarimu ngo yatinze kubereka amanota ya konkuru bakoze.

Uyu muyobozi witwa Thomas Kinyera yagabweho agatero n’ abanyeshuri 20 ubwo yari mu biro bye mu masaha y’ umugoroba.

Aba banyeshuri bavuga ko uyu muyobozi yatinze kubereka amanota ya konkuru bakoze mu byumweru 2 bishize bitegura ikizami bisoza umwaka.
Kinyera unigisha isomo rya Social Studies (SST) avuga ko abandi barium batamuhereye ku gihe amanota y’ impapuro bakosoye. Uyu muyobozi ngo abo banyeshuri bamukomerekeje bikomeye ku mutwe mbere y’ uko atabarwa n’ ubuyobozi bw’ inzego z’ ibanze n’ abarimu bagahita bamujyana ku kigo nderabuzima.

Aba banyeshuri nyuma yo kumukubita bafunze ibiro bamushinja ubuswa, gusinda mu masaha y’ akazi no gutanga ibiryo ababyeyi baba bakusanyije muri gahunda yo kugaburira abanyeshuri ku ishuri.

Dail monitor yatangaje ko Kinyera ahakana ibyo abo banyeshuri bamushinja. Avuga ko aba banyeshuri nta kinyabupfura bagira bityo ngo azabashikiriza urwego rushinzwe ikinyabupfura mu kigo babafatire ingamba.
Umuvugizi wungirije w’ akarere ka Gulu Walter Tootika wasuye iri shuri nyuma y’ iyi myigaragambyo avuga ko yahawe raporo ko hari abanyeshuri bitwaye nabi ku muyobozi w’ abarimu.

Avuga kandi ko uyu muyobozi azakorwaho iperereza basanga ibyo abanyeshuri bamushinja aribyo akabihanirwa kuko binyuranyije n’ amahame agenga abarimu.

Umuyobozi ushinzwe uburezi n’ imiyoborere mu karere ka Gulu Aldo Otto Okot, yavuze ko barimo gukora iperereza kubyo uyu mwarimu ashinjwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Martin Fayulu wababajwe n’intsinzi ya Tshisekedi yagizwe umudepite

Uwari umukandida Perezida muri RDC,Martin Fayulu,yamaze kugirwa umudepite...
15 February 2019 Yasuwe: 2486 0

Meghan umugore w’igikomangoma Harry yagaragaye mu ruhame akuriwe yambaye...

Igikomangoma Henry Harry na Meghan Markle bamaze hafi amezi umunani bakoze...
13 February 2019 Yasuwe: 7129 3

Umugore wihinduye umugabo yatanze ikirego asaba ko umwana yabyaye yafatwa...

Umwongerezakazi wavutse ari umugore akihinduza umugabo abazwe...
13 February 2019 Yasuwe: 2843 0

Igikomangomakazi cyari cyarigometse ku ntebe ya Cyami kugira ngo kirongorwe...

Ubolratana, yamenyekanye cyane mu ntangiriro z’imyaka ya 1970 ubwo...
11 February 2019 Yasuwe: 3018 0

Ubuzima bubi bwatumye zimwe mu ngabo za FDLR zishyikiriza Leta ya...

Abasirikare 2 bo mu mutwe wa FDLR bananiwe gukomezanya urugendo rurerure na...
10 February 2019 Yasuwe: 1641 0

Perezida Tshisekedi yatorewe kuba visi Perezida wa kabiri wa...

Perezida mushya wa RDC Félix-Antoine Tshisekedi,umaze iminsi mike arahiye...
10 February 2019 Yasuwe: 3623 0