Agathon Rwasa utavuga rumwe n’ubutegetsi bwa Nkurunziza yangiwe gukorera inama I Bujumbura

Amakuru   Yanditswe na: Dusingizimana Remy 3 March 2019 Yasuwe: 1424

Umuyobozi w’ishyaka rishya rya CNL,Agathon Rwasa yangiwe gukorera ibirori byo gutaha ibiro bishya by’ishyaka rye mu mujyi wa Bujumbura kuwa Gatandatu taliki ya 02 Werurwe 2019.

Rwasa uherutse gushinga ishyaka rya Congres National pour la Liberation kugira ngo azabone amahirwe yo kwiyamamariza kuyobora Uburundi mu mwaka wa 2020, yandikiwe n’umuyobozi wa Bujumbura ko atemerewe gukorera inama ahantu yari yateguye.

Agathon Rwasa yari yateguye ibirori byo gufungura ku mugaragaro inyubako iri shyaka rye rishya rizakoreramo ndetse mu mujyi wa Bujumbura ahitwa Rohero muri Komini Mukaza mu mujyi wa Bujumbura rwagati.

Muri ibi birori byo gufungura ibiro bishya bya CNL,Agathon yagombaga kuganira n’abarwanashyaka be ariko umuyobozi w’umujyi wa Bujumbura Hon.Freddy Mbonimpa yamwandikiye amumenyesha ko bitagomba kuba kubera impamvu z’umutekano.

Agathon Rwasa ni umwe mu banyapolitike mu Burundi bafite abakunzi benshi ndetse biravugwa ko abahoze mu ishyaka CNDD-FDD riri ku butegetsi, bari kurivamo bakamugana ku bwinshi.

Kuba Agathon Rwasa yangiwe gukorera inama mu mujyi wa Bujumbura hari ababibonamo nk’uburyo Leta ya Nkurunziza yabonye bwo gutangira kumubangamira kugira ngo adakomeza kuyitwara abarwanashyaka kandi amatora yegereje.


Ibaruwa ibuza Agathon Rwasa gukorera ibirori bye mu mujyi wa Bujumbura

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yasuye Umunyamabanga w’Umuryango w’Ibihugu bivuga Igifaransa...

Perezida wa Repubulika y’u Rwanda Paul Kagame uri i Paris aho yitabiriye...
18 May 2019 Yasuwe: 1124 0

Umuganga w’umufaransa arashinjwa kuroga abarwayi 17

Umuganga witwa Frédéric Péchier ukomoka mu Bufaransa, yatangiye gukorwaho...
18 May 2019 Yasuwe: 1071 0

Kenya: Umukobwa urinda gereza yishwe n’umukunzi we bahuriye kuri...

Umurinzi wa gereza muri Kenya witwa Pauline Wangari biravugwa ko yishwe...
17 May 2019 Yasuwe: 3106 1

Perezida Trump agiye gusura igihugu cy’abaturanyi

Perezida Perezida Donald Trump agiye gusura igihugu cya Uganda ku nshuro ya...
17 May 2019 Yasuwe: 4440 0

Moïse Katumbi utavuga rumwe na Leta ya Repubulika Iharanira Demokarasi ya...

Moïse Katumbi Chapwe ,umunyapolitiki utavuga rumwe na Leta ya Repubulika...
17 May 2019 Yasuwe: 1663 0

Hadutse imirwano ikomeye mu nteko ishingamategeko ya Hong Kong bamwe...

Hadutse imirwano mu nteko ishingamategeko ya Hong Kong kuri uyu wa...
16 May 2019 Yasuwe: 3721 0