Amerika yatangije intambara y’Ubucuruzi ku Bushinwa bari kurebana ay’ingwe

Amakuru   Yanditswe na: Dusingizimana Remy 10 May 2019 Yasuwe: 1620

Igihugu cya Leta zunze ubumwe za Amerika cyafashe umwanzuro wo gukuba inshuro zirenze ebyiri imisoro ku bicuruzwa by’agaciro ka miliyari 200 z’amadolari biva mu Bushinwa.

Ikinyamakuru BBC dukesha iyi nkuru cyavuze ko ibi byafashwe nk’igitero gikomeye mu ntambara y’ubucuruzi ibi bihangange ku isi birimo.

Kuwa kane nibwo Perezida Donald Trump yari yatangaje ko u Bushinwa bwishe ibiganiro by’ubucuruzi bagiranaga ngo barangize ’iyi ntambara’.

Kuri uyu wa Gatanu, Leta ya Amerika yazamuye imisoro ku bicuruzwa biva mu Bushinwa iva ku 10 ku ijana (10%) iyigeza kuri 25%.

U Bushinwa bwavuze ko ’bubabajwe’ n’iki gikorwa cya USA,bwemeza ko nabwo buza gufata ’ingamba zikomeye zo kwihimura.

Ibi bihugu bifite ubukungu bukomeye kurusha ibindi ku isi, mu minsi ishize byari hafi yo kumvikana uko birangiza ubushyamirane mu by’ubukungu bumaze amezi buriho.

Minisiteri y’ubucuruzi mu Bushinwa yasohoye itangazo rivuga ko yizeye ko ibihugu byombi bikomeza gukorana mu ’guhagarika iyi ntambara’.

Iyi misoro ya 25% itangwa n’abacuruzi cyangwa kompanyi zo muri Amerika zinjiza ibicuruzwa bivuye mu Bushinwa.

Umwaka ushize nibwo Amerika yari yazamuye iyi misoro iyigeza ku 10%. Byari nk’intangiriro y’iyi ntambara.

Iyi ntambara y’Ubucuruzi USA yatangije ku bushinwa iragira ingaruka zikomeye kuri kompanyi nyinshi zayo zikora ibicuruzwa zifashishije ibikoresho bikorerwa mu Bushinwa. Ibi biratuma igiciro k’ibi bicuruzwa kizamuka.

Perezida Donald Trump yakunze kugaragaza ko atishimiye ko u Bushinwa ari bwo bwungukira cyane mu gucuruzanya na Amerika.

Hari ababona ko ari politiki ya Amerika yo guhagarika umuvuduko w’ubukungu u Bushinwa buriho utuma bugenda bugira n’ijambo rikomeye mu isi.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umudepite uhagarariye leta ya Minessota yemeje ko perezida Trump azeguzwa...

Ilhan Omar umudepite uhagarariye leta ya Minnesota muri Amerika avuga ko...
17 September 2019 Yasuwe: 1669 0

Inzu y’igitangaza ya Mobutu wahoze ari Perezida wa Zaire yabaye...

Muri politike ibintu birahinduka umunota ku wundi kandi iyo ukuwe kuri iyo...
17 September 2019 Yasuwe: 4449 0

Umwarimu w’umunya Kenya watowe nk’uwa mbere ku isi yasuye Donald Trump muri...

Umwarimu ukomoka muri Kenya witwa Peter Tabichi waherukaga gutorwa nka...
17 September 2019 Yasuwe: 1346 0

Iran ngo yiteguye intambara na USA ndetse ibisasu bikomeye yabitunze ku...

Igihugu cya Iran cyabwiye Leta zunze ubumwe z’Amerika ko cyiteguye guhangana...
15 September 2019 Yasuwe: 4132 1

Donald Trump yashyize yemeza ko bishe umuhungu wa Osama Bin Laden ndetse...

Perezida wa USA,Donald Trump yemeje ko ko Hamza Bin Laden, umuhungu wa...
15 September 2019 Yasuwe: 2209 2

Amerika yahagaritse imfashanyo yahaga igihugu cy’u Burundi

Ibiro bya Reta Zunze ubumwe z’Amerika bishinzwe iterambere mpuzamahanga ,...
15 September 2019 Yasuwe: 1736 1