Brazil: Uwahoze ari umucamanza mukuru wa Leta yavuze ko Imana yamwitambitse agiye kwica mugenzi we

Amakuru   Yanditswe na: Dusingizimana Remy 29 September 2019 Yasuwe: 1659

Umucamanza wo muri Brazil yatanze itegeko ribuza ibintu bimwe uwahoze ari umucamanza mukuru nyuma yaho yemeye ko yitwaje imbunda mu rukiko rw’ikirenga ngo yice umwe mu bacamanza.

Rodrigo Janot yabaye umushinjacyaha mukuru mu gihe cy’imyaka ine kugeza mu mwaka wa 2017.

Yayoboye ubushinjacyaha mu birego bya ruswa by’abari ba perezida Michel Temer, Dilma Rousseff na Luiz Ignacio Lula da Silva.

Kuri ubu yabujijwe kuba mu ntera ya metero 200 uvuye ahicaye abandi bacamanza.

Bwana Janot yanabujijwe kwinjira mu rukiko urwo ari rwo rwose rwo muri Brazil.

Yemeye uwo mugambi we wo kwica mu biganiro n’itangazamakuru, mbere yuko asohora ibitabo bikubiyemo ibyaranze ubuzima bwe.

Polisi yasatse urugo rwe ngo ivaneyo intwaro ze, ndetse no kumwambura uruhushya rwe rwo gutunga imbunda.

Mu kiganiro cyatangajwe n’ikinyamakuru O Estado de Sao Paulo cy’aha muri Brazil, Bwana Janot yavuze ko mu kwezi kwa gatanu mu 2017 yinjiye mu nyubako y’urukiko rw’ikirenga mu murwa mukuru Brasilia ngo yice umucamanza ashinja guharabika umukobwa we mu kirego kitari ukuri.

Bwana Janot yagize ati: "Ntabwo najyaga kumukanga [gusa], byari kuba kumwica. Najyaga kumwica hanyuma nanjye nkiyica".

Yavuze ko yashyize mu gaciro akareka gukora ibyo ubwo yisangaga ari wenyine mu cyumba cy’urukiko.

Ati: "Nari jyenyine, kandi ni ukuboko kw’Imana [kwanyitambitse kurambuza]

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Museveni ati "Abashyigikira amoko murakajya mu kuzimu"

Perezida Museveni yasabye abayobozi ba Sudani y’Amajyepfo gushyira imbaraga...
16 October 2019 Yasuwe: 767 0

Kim Jong-un yatereye umusozi ’udasanzwe’ ku ifarashi ajya mu mwiherero

Umutegetsi mukuru wa Koreya ya ruguru Kim Jong-un yatereye umusozi wa mbere...
16 October 2019 Yasuwe: 2262 0

Perezida Kagame yakiranywe urugwiro muri Centrafrique[AMAFOTO]

Perezida wa Repubulika y’u Rwanda Paul Kagame ari muri Repubulika ya...
15 October 2019 Yasuwe: 2561 0

Hitabajwe Ingabo zirinda Perezida Museveni mu itangwa ry’ibizamini...

Mu gihugu cya Uganda ubwo hatangizwaga ibizamini by’abanyeshuri barangiza...
15 October 2019 Yasuwe: 3248 0

Amerika yafatiye ibihano abayobozi ba Turkia kubera kugaba ibitero mu...

Leta Zunze Ubumwe z’Amerika zafatiye ibihano minisiteri ebyiri zo muri leta...
15 October 2019 Yasuwe: 891 1

Umukuru w’abapolisi barinda Papa yeguye ku mirimo ye

Umukuru wa polisi irinda Papa Franciswitwa Francis Giani, yeguye ku mirimo...
15 October 2019 Yasuwe: 2235 1