startimes

Burundi: Abayoboke b’ishyaka rya CNL bakomeje gufungwa umusubirizo bazira kwirwanaho mu gitero bagabweho n’Imbonerakure

Amakuru   Yanditswe na: Dusingizimana Remy 13 November 2019 Yasuwe: 1120

Abayoboke b’ishyaka rya CNL bakomeje gufungwa ubutitsa mu Burundi kubera ko birwanyeho mu gitero baherutse kugabwaho n’Imbonerakure zabateze bagiye mu munsi mukuru bakazikubita bikaviramo 4 gukomereka.



Ikinyamakuru SOS Media Burundi cyatangaje ko kuwa 10 Ugushyingo 2019 aribwo abayoboke ba CNL muri Komini Nyamurenza, mu Ntara ya Ngozi ivukamo Perezida Nkurunziza avukamo,bagabweho igitero n’agatsiko k’insoresore zo mu ishyaka riri ku butegetsi [CNDD-FDD], ku gasozi ka Shoza, mu masaha ya nyuma ya saa sita ubwo bari bagiye mu munsi mukuru wo gufungura ibiro by’ishyaka ryabo.

Izi mbonerakure ngo zari zifite imipanga n’izindi ntwaro gakondo,zategeye mu nzira abayoboke ba CNL bari bagiye gufungura ibiro muri komini Gashikanwa,intambara irarota ku mpande zombi biviramo abayoboke 4 b’Imbonerakure gukomereka cyane mu gihe ku ruhande rwa CNL ho hakomeretse benshi kuko bon ta ntwaro bari bafite.

Umwe mu bayoboke ba CNL witwa Nestor Nsengiyumva yaje gupfa ku munsi wakurikiyeho nyuma y’ibikomere bikomeye yatewe n’Imbonerakure.

Iki kinyamakuru cyo mu Burundi kiratangaza ko ubutegetsi butishimiye uku kwirwanaho kw’abayoboke ba CNL kwakomerekeyemo Imbonerakure 4, ariyo mpamvu batangiye gufunga umusubirizo abantu bo muri CNL bari muri iyi mirwano.

Amakuru aravuga ko kugeza kuri uyu wa kabiri,abayoboke 23 ba CNL bamaze gufungwa ndetse ngo abandi bari guhigwa bukware.

Abayoboke ba CNL bo muri Komini 3 zirimo Gashikanwa, Nyamurenza and Marangara,zose zo mu ntara ya Ngozi nibo bari gufungwa.

Polisi iri gukorana n’ubuyobozi n’Imbonerakure mu guta muri yombi aba bayoboke b’ishyaka rya CNL ryashinzwe na Agathon Rwasa kugira ngo azahatane mu matora yo muri 2020.

Abari gufungwa cyane n’abahagarariye CNL muri izi komini cyane ko bazwi cyane n’ubutegetsi bwa CNDD-FDD.

Yaba CNDD-FDD na CNL baritana ba mwana kuri iki gitero cyabaye ku cyumweru aho bamwe bavuga ko abandi aribo babashotoye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igihugu cya Uganda cyapfushije Abajenerali 2 ku munsi umwe biyongera ku...

Mu gitondo cyo kuri uyu wa Kane taliki ya 02 Nyakanga 2020, igisirikare cya...
3 July 2020 Yasuwe: 1365 0

Umugabo yishwe na coronavirus nyuma yo kwanduza abarenga 100 mu bukwe...

Mu gihugu cy’Ubuhinde, umugabo w’imyaka 30 wagaragazaga ibimenyetso bya...
3 July 2020 Yasuwe: 927 0

Uwahoze ari Madamu wa Mbere wa Lesotho yarekuwe ku ngwate mu rubanza...

Kuri uyu wa Mbere taliki ya 29 Kamena 2020, uwahoze ari umudamu wa mbere...
1 July 2020 Yasuwe: 670 0

Minisitiri wa mbere ukomoka mu bwoko bw’Abatwa yinjiye muri Guverinoma y’u...

Ihuriro ry’Abatwa bo mu gihugu cy’u Burundi kikigendera ku moko y’Abakoloni,...
29 June 2020 Yasuwe: 6902 1

Mu Burundi umuturage yakorewe ubugizi bwa nabi atwikirwa inka...

Burundi mu mudugudu wa Gishubi, mu Ntara ya Muramvya, mu ijoro ryo kuwa 26...
29 June 2020 Yasuwe: 1144 0

Abayapani bakoze agapfukamunwa gakoresha ikoranabuhanga

Mu Buyapani hakozwe agapfukamunwa gakoresha ikoranabuhanga ku buryo...
29 June 2020 Yasuwe: 2235 0