Burundi :Umurwanashyaka wa CNL yishwe abandi batandatu barakomereka

Amakuru   Yanditswe na: Dusingizimana Remy 19 August 2019 Yasuwe: 1534

Umurwanashyaka w’ishyaka rya CNL ryashinzwe na Agayhon yaraye yishwe abandi batandatu barakomereka mu gitero cyaraye kigabwe ku bayoboke biri shyaka mu ntara ya Muyinga, nk’uko biyangazwa n’iri shyaka.



Umuvugizi wa CNL witwa Terence Manirambona yatangaje ko abo barwanashyaka batezwe bari mu nzira bataha ubwo bari bavuye mu birori byo gufungura ku mugaragaro ibiro by’iri shyaka mu murwa mukuru w’intara ya Muyinga.

Avuga ko batumva impamvu ubu bwicanyi buri kuba kandi abashinzwe umutekano bakwirakwijwe hose, hakaba hari n’amakomite avugwa ko ahurikiyemo bose.

Ishyaka rya CNL rivuga ko abarwanashyaka baryo bakomeje guhohoterwa,guterwa ubwoba, gufungwa binyuranyije n’amategeko no kwicwa.

Manirambona yavuze ko aba barwanashyaka babo batewe n’abantu bafite imipanga, amahiri n’amacupa barabatemagura, bicamo uwitwa Nsavyumwami Gregoire.

Avuga ko abatewe bagera kuri 300 ubwo barimo basubira muri komine Giteranyi, bakaba barashoboye gufatamo batatu mu bakoze icyo gitero bashikirizwa inzego z’umutekano.

Manirambona avuga ko abatewe batatabawe, kuko abashinzwe umutekano bagiye kuhagera ibara ryakozwe.

Avuga ko ibyaraye bibaye bifitanye "isano n’ibimaze iminsi bikorwa hirya no hino mu gihugu byo byo kwiyenza ku barwanashyaka ba CNL".

Mu mezi abiri ashize, ibiro 18 bya CNL bimaze gusenywa mu buryo butandukanye aho bimwe byasizwe amazirantoki n’ibindi.

Manirambona yabwiye BBC ko ikibabaje ari uko ntacyo ubutegetsi bwa Nkurunziza ntacyo bukora kuri ubu bugizi bwa nabi aho yemeje koi bi bigaragaza ko nta bwisanzure muri Politiki buri mu Burundi.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Twipanze neza kugira ngo dusubize inyuma igitero aho cyaturuka hose -Visi...

Leta y’ Uburundi iravuga ko yiteguye kwivuna igitero cyose aho cyaturuka...
20 November 2019 Yasuwe: 2596 0

Jose Mourinho yatangaje ikintu cya mbere agomba gukora mu ikipe ya...

Umutoza mushya wa Tottenham,Jose Mourinho,wa umaze iminsi ari umusesenguzi...
20 November 2019 Yasuwe: 2864 0

Afurika y’Epfo: Umushinjacyaha yishwe n’imbunda yari yazanywe mu rukiko...

Umunyamategeko w’umugore yafashwe n’isasu ry’imbunda yari yazanywe mu rukiko...
20 November 2019 Yasuwe: 2139 0

Umugore utwite yishwe n’imbwa ubwo habaga umuhigo

Umugore utwite yishwe n’imbwa ku butaka bwo mu ishyamba riri mu majyaruguru...
20 November 2019 Yasuwe: 1908 0

Perezida Donald Trump yanditse ko u Burundi bukiri mu bihe bidasanzwe

Perezida Donald Trump wa Amerika yongeye kwandikira inteko ishinga...
20 November 2019 Yasuwe: 1650 0

Umugabo wari wataye umugore we mu rugo yafatiwe mu kizu kitari cyuzura...

Umugabo wari wataye umugore we mu rugo yafatiwe mu kizu kitari cyuzura...
19 November 2019 Yasuwe: 4855 1