Repubulika iharanira Demokarasi ya Congo (RDC) nayo yafashe icyemezo cyo gusubika itariki yo gutangiriraho gutanga urukingo rwa coronavirus rwa AstraZeneca mu rwego rwo kwirinda.

Sponsored Ad

Itariki nshya yo gutangira gukingira abaturage izamenyeshwa bidatinze, mu gihe “ibisubizo by’iperereza ririmo gukorwa ku rwego rw’igihugu ndetse no ku rwego mpuzamahanga ku rukingo rwa Astrazeneca” bizabonekera.

Kugeza magingo aya ibihugu birindwi byo mu Burayi, birimo na Danemark na Norvege, byahagaritse gukoresha urukingo rwa AstraZeneca.

Ibi bihugu bivuga ko byabonye ibibazo byo kwibumba kw’amaraso mu bantu benshi bakingiwe hakoreshejwe uru rukingo rwa AstraZeneca. Repubulika iharanira Demokarasi ya Congo yo ngo yaba irimo no gutekereza guhagarika gahunda yo gukingira nk’uko iyi nkuru dukesha 7sur7.cd ikomeza ivuga.

Ku ruhande rwayo, Komite Mpuzamahanga Ngishwanama ya OMS ku mutekano w’inkingo (GACVS) “irasuzuma buri gihe ibimenyetso byose by’umutekano w’inkingo n’impungenge zijyanye n’umutekano w’urukingo rwa COVID-19, kandi igaterana buri byumweru bibiri kugira ngo imenyeshe OMS ikimenyetso icyo ari cyo cyose gishya cyangwa ikibazo cy’umutekano kijyanye n’inkingo za COVID-19 ”.

OMS yo ivuga ko “Gukingira COVID-19 bitazagabanya impfu ziterwa n’izindi mpamvu. Impfu ziterwa n’izindi mpamvu zizakomeza kubaho, na nyuma yo gukingirwa, ariko zidafitanye isano n’ingaruka zo gukingirwa.”