#Covid-19:Umuhungu wa Perezida Museveni ntiyashimishijwe n’ibyo ikinyamakuru cya Leta ya Uganda cyatangaje bishimagiza u Rwanda

Amakuru   Yanditswe na: Martin Munezero 23 March 2020 Yasuwe: 4297

Umuhungu ndetse akaba n’umujyanama mu bya gisirikare wa Perezida Museveni, Lt. Gen. Muhoozi Kainerugaba, ntiyishimiye inkuru yasohowe n’igitangazamakuru cya Leta ya Uganda, The New Vision, ivuga ko iki gihugu cyageze ikirenge mu cy’u Rwanda mu gufata ingamba zikumira icyorezo cya Coronavirus.



Mu nkuru yakozwe n’iki kinyamakuru The New Vision ivuga ku ngamba Uganda yafashe nko guhagarika ingendo imbere mu gihugu, iziva n’izijya hanze, umwanzuro iki gihugu cyafashe nyuma gato y’aho u Rwanda rwari rwamaze kuzifata nk’uko bigaragara mu itangazo rya Minisitiri w’Intebe, Edouard Ngirente ryo ku wa 21 Werurwe 2020.

Nyuma yiyo nkuru, iki kinyamakuru The New Vision cyanditse kuri Twitter yacyo @newvisionwire kigira kiti:“Ku cyumweru, u Rwanda rwahagaritse ibikorwa bitandukanye, rushyiraho ingamba zikomeye zo gukumira Coronavirus muri Afurika, aho icyorezo cyiyongera byihuse kandi ibitaro bidafite ibikoresho bihagije byo guhangana na cyo.”

ILt. Gen. Muhoozi Kainerugaba akimara kubona ubu butumwa, yasubije New Vision akoresheje Twitter, abaza impamvu y’iryo shimagiza ati:“Ariko ubundi ni nde nyir’iyi New Vision? Ese ni iya Leta cyangwa? Ni gute bagerageza gushimagiza ikindi gihugu mbere y’icyacu gikomeye cya Uganda?”

Uyu musirikare akomeza avuga ko Uganda ari igihugu gikomeye muri Afurika, undi wese atakabaye agereranya n’ikindi. Gen. Kainerugaba yumvikana kenshi cyane kuri Twitter avuga ko Uganda ari igihangange. Agaruka kenshi ku bushobozi mu by’intambara aho yemera ko uwahirahira agaba igitero ku gihugu cye yaba umuyonga.

Ubutumwa bwa Gen. Muhoozi ntibwakiriwe neza na bamwe mu banyamakuru bamukurikira kuri Tweeter, bumva ko ashatse kubarwanya, ariko ntiyatinze kubiseguraho abasaba imbabazi ababwira ko ataribyo yashatse kuvuga, ati:

“Uyu munsi, inshuti zanjye magara mubitangazamakuru barandakariye kuri tweet y’ejo. Mbere ya byose, ntabwo nashakaga kugaba igitero kuri @newvisionwire. Niba mwaranyumvise nabi, mumbabarire. Ariko nyamuneka ntukarakaze Abagande bakunda igihugu. Uganda izahora ari iya.1 !!”

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugabo yarumye umuturanyi we umunwa hafi kuwuca amuziza gutuma umwana...

Umukozi wa Kompanyi KCCA muri Uganda yarumye umuturanyi we umunwa yenda...
6 April 2020 Yasuwe: 2978 0

Covid-19:Abayobozi bakomeje kugubwa gitumo barenze ku mabwiriza yo kuguma...

Abayobozi bo mu gihugu cya Kenya bakomeje gutungurwa bakagubwaho gitumo,...
6 April 2020 Yasuwe: 11299 0

Havumbuwe Uruvu rufite amahembe atatu

Abahanga mu binyabuzima bo muri Uganda bavumbuye muri Pariki ya Rwenzori,...
5 April 2020 Yasuwe: 2599 0

Covid-19:Pasiteri Natacha yafashe amafaranga yose yarari kuri Konte...

Rev. Lucy Natasha ni umuvugabutumwa wo mugihugu cya Kenya, aracyari...
5 April 2020 Yasuwe: 7231 4

Covid-19:Abarenga 160 batawe muri yombi bazira kwica itegeko rya Parezida...

Polisi ya Uganda yataye muri yombi abantu barenga 160 ivuga ko barenze ku...
4 April 2020 Yasuwe: 2034 0

Pasiteri ari gukorwaho iperereza kubera amavuta yakoze yemeza ko umuntu...

Umupasiteri ukomoka.mu hihugu cya Kenya uba mu Bwongereza ari gukorwaho...
4 April 2020 Yasuwe: 3220 1