startimes

Goma: Ya ndege yahitanye abantu 26 barimo umuryango w’abantu 6 yaguye ku nzu barimo

Amakuru   Yanditswe na: Dusingizimana Remy 25 November 2019 Yasuwe: 2857

Minisiteri ishinzwe itumanaho no gutwara abantu n’ibintu muri RDC,yavuze ko indege ya Dornier 228 ya kompanyi itwara abagenzi ya Busy Bee,yahitanye abantu 26 barimo 6 bo mu muryango umwe wari mu nzu yagwiriye I Goma.



Ikinyamakuru Actualite.CD dukesha iyi nkuru kiravuga ko aba 26 barimo, abagenzi 17 bari bayiteze abakozi b’iyi ndege 2 n’abandi bantu 7 bapfiriye ku butaka ikimara guhanuka.

Abayobozi b’umujyi wa Goma bavuze ko abantu 29 aribo bavumbuwe mu bitaka no mu bisigazwa by’iyi ndege gusa ngo 2 nibo bonyine bari bagihumeka barimo n’umwe mu bakozi bayo,bahita bajyanwa kwa muganga igitaraganya.

Raporo y’ikigo gishinzwe isuku ku mupaka [Programme national de l’hygiène aux frontières (PNHF) ] yavuze ko muri aba bantu 26 bapfuye harimo umuryango w’abantu 6 wari mu nzu iyi ndege yagwiriye igahita iyisenya.

ministre Jacques Yuma Kipuya yavuze ko iyi ndege yagize ikibazo cya tekinike igihaguruka ariko ngo hakomeje gukorwa iperereza ryimbitse kugira ngo harebwe ikibazo nyamukuru cyatumye ikora impanuka ku munsi w’ejo saa 09 n’iminota 07.
Iyi ndege ya Busy Bee yakoze impanuka ubwo yari ivuye I Goma yerekeza I Beni, mu rugendo rw’ibirometero 350 (220 miles).

Umwotsi wagaragaye ari mwinshi uva ku muhanda witwa Avenue Kirambo muri Mapendo aho iyi ndege yaguye hejuru y’inzu z’abatuye hano.

Nzanzu Kasivita Carly, Guverineri wa Kivu y’amajyaruguru, yavuze ko iyo ndege yo mu bwoko bwa Dornier-228 yari iya kompanyi Busy Bee, yaguye ku nzu zo mu gace ka Mapendo nyuma yo "guhusha" aho guhagurukira ku kibuga mpuzamahanga cy’indege cy’i Goma.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abarundi bari mu nkambi ya Uvira barenda kwicwa n’inzara

Abarundi bari mu buhingiro muri Congo-Kinshasa mu gace ka Uvira mu nkambi...
8 July 2020 Yasuwe: 968 0

Igihugu cy’u Burundi n’icya Sudani y’Epfo mu nzira yo kwirukanwa mu muryango...

Ibihugu by’Uburundi na Sudani y’Epfo biri mu nzira yo kwirukanwa mu muryango...
8 July 2020 Yasuwe: 831 0

Umukobwa w’imyaka 14 yahunze mu rugo ajya kubana n’umusore bahuriye kuri...

Umukobwa w’imyaka 14 utatangajwe amazina, yahunze urugo rw’ababyeyi be muri...
8 July 2020 Yasuwe: 1929 0

Perezida wa Congo ’Tshisekedi’ yatunguwe no kubona hazamurwa ibendera ritari...

Ku munsi wo kwizihiza umunsi mukuru w’ ubwigenge abaturage bo mu Ntara ya...
7 July 2020 Yasuwe: 14169 0

Umuhinde wambara agapfukamunwa gakoze muri Zahabu gahagaze akayabo...

Umugabo w’Umuhinde aravugwaho kuba yarishyuye ibihumbi 289 by’Amafaranga...
6 July 2020 Yasuwe: 4528 0

Hoteli ya mbere ku Isi isize Zahabu imbere n’inyuma yafunguwe

Muri Vietnam hafunguwe Hoteli ya mbere ku Isi isize zahabu (gold-plated)...
6 July 2020 Yasuwe: 6801 1