Imirambo y’abantu 39 yasanzwe mu ikamyo nini mu Bwongereza

Amakuru   Yanditswe na: Dusingizimana Remy 23 October 2019 Yasuwe: 2127

Imirambo y’abantu 39 irimo umuntu umwe uri mu kigero cy’ubugimbi yasanzwe mu ikamyo nini mu gace kitwa Essex mu Bwongereza bituma abashinzwe ubutabazi bahamagara polisi igitaraganya kugira ngo itangire iperereza ku waba yarishe abantu yarangiza akabapakira mu ikontineri.



Abapolisi bahamagawe kuri uyu wa Gatatu mu gitondo kugira ngo berekeze ahitwa Waterglade Industrial Park muri Grays aho iyi kamyo yarimo iyi mirambo yari iparitse.

Umushoferi w’imyaka 25 ukomoka muri Irlande y’Amajyaruguru wari uyitwaye ayikuye muri Bulgaria yahise atabwa muri yombi kugira ngo akorweho iperereza.

Nta muntu n’umwe uramenyekana muri iyi mirambo gusa abayibonye bavuze ko abantu bose bishwe ari bakuru uretse umwe wabarurwa mu ngimbi.

Polisi y’Ubwongereza yavuze ko ubu bwicanyi bwakorewe aba bantu ari amahano.

Iyi kamyo bivugwa ko yari imaze iminsi 3 yinjiye muri UK ivuye muri Bulgaria aho yinjiriye ku cyambu cyitwa Holyhead muri Wales gisanzwe kinyuraho amakamyo Manini avuye muri Ireland.

Minisitiri w’Ububanyi n’Amahanga wa Bulgaria yavuze ko atahita yemeza niba koko iyi kamyo yinjiye UK ivuye iwabo ati “Turacyasuzuma niba amakuru yatanzwe n’ibinyamakuru byo mu Bwongereza ari ukuri ndetse turi kubaza abayobozi.”

Minisitiri w’Intebe w’u Bwongereza, Boris Johnson yavuze ko yababajwe n’iyi mirambo yavumbuye muri Essex ndetse yemeza ko ari gukurikirana amakuru yose ku byerekeye ubu bwicanyi aho yanihanganishije imiryango yabo itaramenyekana.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Muri Zimbabwe hashyizwe hanze inoti nshya mu rwego rwo kugabanya ibura...

Banki Nkuru ya Zimbabwe yatangaje ko kuri uyu wa 11 Ugushyingo iraza...
11 November 2019 Yasuwe: 1085 0

FARDC yafatanye impapuro zirimo amabanga akomeye Gen.Afurika wayoboraga...

Kuwa Gatandatu taliki ya 09 Ugushingo 2019 nibwo FARDC yatangaje ko yishe...
11 November 2019 Yasuwe: 4445 0

Abanya Kenya barasaba ko bamwe mu bayobozi bafungwa kubera icuruzwa...

Iperereza rya televiziyo NTV yo muri Kenya ryerekanye ko kudakurikirana...
11 November 2019 Yasuwe: 1348 0

Bolivia: Perezida Morales wari umaze imyaka 14 ku butegetsi yegujwe...

Perezida Evo Morales wa Bolivia yeguye ku butegetsi yari amazeho imyaka 14...
11 November 2019 Yasuwe: 837 0

Umwarimu wo mu Burusiya yemeye ubwicanyi asanganywe amaboko y’umugore mu...

Umwarimu w’amateka wa kaminuza uzwi cyane wo mu Burusiya yemeye ko yishe...
10 November 2019 Yasuwe: 1937 0

FDU-Inkingi yasimbuje Victoire Ingabire, imwifuriza amahirwe masa mu...

Ishyaka FDU-Inkingi ritavuga rumwe n’ubutegetsi mu Rwanda rivuga ko ryamenye...
10 November 2019 Yasuwe: 4601 0