Impunzi z’abakongomani zikomeje kwisuka mu Rwanda kubera ubwoba bw’ibizava mu matora

Amakuru   Yanditswe na: Dusingizimana Remy 7 January 2019 Yasuwe: 2373

Abaturage benshi bakomoka muri Repubulika iharanira demokarasi ya Kongo batangiye kuzinga utwangushye bahungira mu Rwanda kubera ko batewe ubwoba n’ibizava mu matora ya perezida wa Repubulika aheruka kuba ku wa 30 Ukuboza umwaka ushize.

Abakongomani benshi bari kwambuka umupaka wa Congo n’u Rwanda bahunze aho bari kuvuga ko nta cyizere cy’umutekano bafite nyuma yo kumenyekana kw’ibyavuye mu matora y’umukuru w’igihugu.

Abakongomani bafite impungenge ko ibyavuye mu matora nibitangazwa bishobora gukurikirwa n’imvururu zikomeye nkuko bisanzwe bigenda muri iki gihugu kimaze imyaka 18 kiyoborwa na Joseph Kabila.

Abakire batuye i Goma batangiye guhunga baza mu Rwanda kubera ko batizeye umutekano w’uyu mujyi nyuma y’itangazwa ry’ibyavuye mu matora

Umuyobozi w’Ihuriro ry’abakomisiyoneri mu Mujyi wa Rubavu rizwi nka ‘Tekereza Ukore’, Fifi Kabera yabwiye NewTimes ko bamaze iminsi bakira abanye-Congo benshi bashaka inzu muri uwo mujyi.

Yagize ati “Tumaze kwakira umubare munini w’Abanye-Congo bashaka inzu zo gukodesha.”

Amwe mu mahoteli n’inzu zicumbikira abagenzi i Rubavu zamaze gufatwa na bamwe mu banye-congo ndetse n’abakozi b’imiryango mpuzamahanga ikorera muri icyo gihugu, batinya igishobora gukurikira itangazwa ry’ibyavuye mu matora.

Hari hashize imyaka ibiri amatora muri Kongo asubikwa,ariko kuwa 30 Ukuboza 2018 yarabaye maze abakandida 21 baresurana karahava.

Abakandida 3 barimo Emmanuel Shadary w’ishyaka rimwe na Kabila n’abatavuga rumwe n’ubutegetsi 2 barimo Martin Fayulu na Felix Tshisekedi nibo bahabwa amahirwe yo kuzavamo usimbura Kabila umaze imyaka 18 ku butegetsi.

Akanama gashinzwe amatora muri RD Congo kafashe umwanzuro wo gusubika gutangaza mu buryo bw’agateganyo ibyavuye mu matora ya perezida wa Repubulika yabaye ku wa 30 ukuboza 2018, ku munsi w’ejo taliki ya 06 Mutarama 2019.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amerika yigambye kurasa drone ya Iran yatambaga hafi y’ubwato...

Igihugu cya Leta zunze ubumwe z’Amerika zihimuye kuri Iran zirasa akadege...
19 July 2019 Yasuwe: 1884 0

Amerika yaburiye abacamanza ba ICC ko nibibeshya bagakurikirana ibyaha...

Leta Zunze Ubumwe za Amerika zaburiye abacamanza b’Urukiko Mpanabyaha...
19 July 2019 Yasuwe: 1100 0

Burundi: Abagizi ba nabi bateye grenade mu rugo rw’umuyobozi wa...

Abantu bataramenyekana bateye gerenademu rugo rwa Denis Niyomuhanyi,usanzwe
18 July 2019 Yasuwe: 1358 1

Muri Uganda inka zirimo n’iza Perezida Museveni zigiye guhabwa ibyangobwa...

Ubu mu gihugu cya Uganda Guverinoma yamaze gutangaza ko igiye gutangira...
18 July 2019 Yasuwe: 854 0

OMS yatanze impuruza ku cyorezo cya Ebola muri RDC

Ishami ry’umuryango w’abibumbye ryita ku buzima (OMS) ryatangaje ko ubu...
18 July 2019 Yasuwe: 624 0

Umwana w’imyaka 14 yiyahuye mu muhanda wa Gari ya moshi iramugonga nyuma yo...

Umwana witwa Sam Connor w’imyaka ukomoka mu Bwongereza yakoze amahano kuwa...
17 July 2019 Yasuwe: 2012 0