Jose Chameleone yasuye Bobi Wine mu rugo rwe amwerurira ko yifuza kumwiyungaho bagahirika Museveni

Amakuru   Yanditswe na: Dusingizimana Remy 15 July 2019 Yasuwe: 2604

Umuyobozi w’ishyaka rya People Power, Robert Kyagulanyi Ssentamu uzwi nka Bobi Wine yaraye yakiriye mugenzi we bahoze bahangana mu muziki,Dr Jose Chameleone wamweruriye ko atakiri ku ruhande rwa perezida Museveni ahubwo yifuza gufatanya nawe mu kumuhirika.

Jose Chameleone wasuye umuyobozi wa "People Power" ,Bobi Wine mu rugo rwe ,yamubwiye ko yifuza ko bahuza imbaraga nyuma yo kumenya ko Museveni akomeje koreka igihugu cya Uganda.

Abinyujije kuri Facebook,Bobi Wine yagize ati “Nimugoroba nakiriye inshuti yanjye akaba na mugenzi wanjye w’umuhanzi, Jose Chameleone,mu rugo rwanjye i Magere nyuma y’imyaka myinshi.Twaganiriye byinshi ku bya kera,uko umuziki wa Uganda uhagaze ndetse n’ahazaza h’igihugu cyacu cya Uganda.

Jose yambwiye ko amaze amezi make afashe umwanzuro wo kwiyunga n’ishyaka rya People Power kubera ko abona Museveni ari umukozi utagifite icyo yaha igihugu cyacu.

Yansubiriyemo ko yasingizaga Museveni kubera amafaranga ariko yemeranya natwe ko ubutegetsi bwe bwasenye bikomeye iki gihugu ari ahacu ho kukizura.”

Bobi Wine yakomeje avuga ko yabwiye Chameleone ko icyemezo cye ari amakuru meza ku bashaka kurwanya igitugu cya Museveni ndetse yishimira umwanzuro yafashe wo kwihuza na People Power.

Bobi Wine na Jose Chameleone ngo bemeranyije ko ibikorwa byabo aribyo bizatuma abaturage babagirira icyizere.

Jose Chameleone yabwiye Bobi Wine ko abayoboke ba People Power.bakimushidikanyaho kubera ko yamaze imyaka myinshi aririmba indirimbo zo gusingiza Museveni gusa mugenzi we yamubwiye ko ibikorwa bye aribyo bizagaragaza ko yamuteye umugongo.

Aba bahanzi b’abaherwe muri Uganda ngo bemeranyije ko bagiye guhuriza hamwe imbaraga mu kurwanya Museveni ndetse no kuzana impinduka nziza cyane mu gihugu.mu guhirika ku butegetsi Museveni,wabufashe mu mwaka wa 1986.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Igikomangoma cy’Ubwongereza Harry n’umugore we Meghan barifuza kwimukira muri...

Igikomangoma Harry cy’Ubwongereza n’umugore wacyo Meghan Markle bahishuye ko...
20 October 2019 Yasuwe: 2697 0

Tanzania: Biravugwa ko Perezida Magufuli arembye cyane

Amakuru ari gucaracara mu binyamakuru no ku mbuga nkoranyambaga muri...
20 October 2019 Yasuwe: 4531 0

RDC: Umukuru w’inyeshyamba yiciwe mu mirwano yari ahanganyemo n’undi...

Mu ijoro ryo kuwa Gatanu taliki ya 18 Ukwakira 2019,umuyobozi w’inyeshyamba...
20 October 2019 Yasuwe: 4314 0

Perezida Erdogan yiyemeje kumena imitwe abarwanyi b’aba-Kurdes

Perezida Recep Tayyip Erdogan wa Turukiya avuga ko Turukiya "izamena...
20 October 2019 Yasuwe: 1556 0

U Rwanda rwaje ku myanya y’imbere ku rutonde rw’ahantu habereye...

Ikinyamakuru Forbes cyashyize umujyi wa Kigali ku mwanya wa Gatanu mu hantu...
19 October 2019 Yasuwe: 1607 0

Umugore yakubise umwana we mu buryo buteye agahinda arangije aranamujugunya...

Umugore ukomoka muri Ukraine yatawe muri yombi nyuma yuko akubise umwana we...
19 October 2019 Yasuwe: 2461 0