Kenya: Umugore wabyaye abana batanu icyarimwe yapfuye nyuma y’iminsi mike avuye mu bitaro

Amakuru   Yanditswe na: Dusingizimana Remy 9 April 2019 Yasuwe: 2029

Umunyakenyakazi witwa Everline Namukhula w’ imyaka 28 y’ amavuko waherukaga kwibaruka abana batanu icyarimwe,yapfuye nyuma y’ igihe kitageze ku kwezi avuye mu bitaro.

Uyu mubyeyi yapfuye nyuma y’iminsi 26 gusa abyaye abana batanu icyarimwe barimo abakobwa 3 n’abahungu 2,aho yasigiye intimba n’agahinda umugabo we,Herbert Wawire, ubana n’ubumuga bwo kutumva, n’abandi bagize umuryango we.

Uyu mugore n’umugabo bari batunzwe no guca inshuro,bari bafite abana 9,kuko mbere y’uko Namukhula abyara abana 5 yari asanzwe afite abandi 4.

Umuyobozi w’ ibitaro bya Moi, nyakwigendera yapfiriyemo witwa Dr Wilson Aruasa yatangaje ko nyakwigendera yabanje kunanirwa guhumeka, araruka, abira ibyuya mbere y’ uko yikubita hasi agahita apfa.

Aba bana batanu bavukiye ku bitaro by’ Intara ya Kakamega tariki 10 Werurwe 2019. Eveline Mvungu ukuriye ishami ryita ku mpinja avuga ko aba bana bari guhabwa amata ngo byitezwe ko bazaguma mu bitaro mu gihe cy’ amezi 3.

Dr Philip Kirwa ukuriye ishami ryita ku buzima bw’ imyororokere yavuze ko uyu mugore atagaburiwe neza ubwo yari atwite. Nyakwigendera yakoraga akazi ko kumesera abaturage.

Umudepite witwa, Babu Owino,uhagarariye agace kitwa Embakasi East yatangarije abanyamakuru ko yababajwe n’urupfu rwa Namukhula ariyo mpamvu yiyemeje gufasha aba bana batanu 5 yasize.

Namukhula w’imyaka 28 y’amavuko,yapfuye kuwa 07 Mata 2019 nyuma y’aho abana be babiri b’abahungu bavuyse muri aba bana batanu yabyaye, bamaze gupfa.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ingagi irakekwaho kumira akayabo k’Amamiliyoni y’Amanyarwanda

Ubuyobozi bwo muri Nigeria bwatangaje ko mu nzu yororerwamo inyamaswa yo...
15 June 2019 Yasuwe: 5087 0

Zambia: Umudepite yakubise umugore we aramumugaza [AMAFOTO]

Polisi ya Zambia mu gace ka Ndola yataye muri yombi umudepite witwa Frank...
14 June 2019 Yasuwe: 3084 1

Ababana bahuje igitsina b’impunzi bo mu Rwanda,u Burundi,Kongo,Uganda na...

Itsinda ry’impunzi zivuga ko ziva mu Rwanda, u Burundi, Repubulika ya...
14 June 2019 Yasuwe: 6068 2

Abacuruzi bo muri Uganda batangaje igihombo bamaze guhura nacyo nyuma...

Mu gihe cy’amezi atatu umupaka wa Gatuna ufunze, abacuruzi b’Abagande ngo...
14 June 2019 Yasuwe: 3292 1

Kenya: Umudepite yatawe muri yombi nyuma yo gukubitira mugenzi we w’umugore...

Umudepite witwa Rashid Kassim wo muri Kenya yatawe muri yombi ku mugoroba...
14 June 2019 Yasuwe: 1076 0

Amerika irashinja Iran kuba nyirabayazana w’ibisasu bya Torpedo byatwitse...

Ubwato bw’Ubuyapani n’ubwa Norvege bwari bwikoreye petrole bwarasiwe mu...
14 June 2019 Yasuwe: 2389 1