Kim Jong Un yakiriye ibaruwa ya Donald Trump yamushimishije cyane

Amakuru   Yanditswe na: Dusingizimana Remy 23 June 2019 Yasuwe: 2986

Ikinyamakuru cya Leta ya Koreya ya ruguru cyatangaje ko perezida, Kim Jong-un, umutegetsi mukuru w’iki gihugu, yashimishijwe n’ibaruwa yandikiwe na Perezida Donald Trump wa Leta Zunze Ubumwe z’Amerika.

Perezida Kim yashimagije iyo baruwa avuga ko "ishimishije" ndetse avuga ko "azazirikana ashimitse ibintu by’ingenzi biyikubiyemo", nkuko bitangazwa n’ibiro ntaramakuru KCNA bya Koreya ya ruguru.Yanashimagije Bwana Trump ku "muhate udasanzwe" agira.

Mu ntangiriro y’uku kwezi kwa gatandatu, perezida Trump yavuze ko yohererejwe ibaruwa nziza n’uyu mutegetsi mukuru wa Koreya ya ruguru.

Ntibyahishuwe igihe n’uburyo iyo baruwa Trump yandikiye Kim yamugezeho. Ibiro bya White House bya perezida w’Amerika ntacyo byatangaje.

Ibiganiro hagati y’Amerika na Koreya ya ruguru byarahagaze nyuma y’inama y’abategetsi bombi mu murwa mukuru Hanoi wa Vietnam yabaye mu kwezi kwa kabiri uyu mwaka, ikarangira ntacyo igezeho.

Iyi baruwa ni cyo kintu cya mbere cy’ingenzi kibaye hagati y’ibihugu byombi guhera icyo gihe, nkuko BBC yabitangaje.

Amerika yakomeje gushimangira ko Koreya ya ruguru igomba kureka gahunda yayo ya nikeleyeri, mu gihe Koreya ya ruguru yo isaba ko ibanza ikadohorerwa ibihano yafatiwe.

Ariko mu mezi ya vuba ashize,perezida Trump yumvikanye avuga neza Bwana Kim.

Mu ntangiriro y’uku kwezi kwa gatandatu, yabwiye abanyamakuru ko Koreya ya ruguru ku butegetsi bwa Kim "ifite ahazaza heza".

Ubwo Trump yagiriraga uruzinduko mu Buyapani mu kwezi gushize, yavuze ko Kim ari "umugabo w’intyoza" ndetse avuga ko yiteze "ibintu byinshi byiza" biva muri Koreya ya ruguru.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umurabyo wahagaritse umukino nyuma yo gukubita abakinnyi 4 bagata...

Mu gihugu cya Jamaica haravugwa inkuru ibabaje y’abanyeshuli bane bakubiswe...
20 September 2019 Yasuwe: 3468 0

Uburusiya bugiye kubakira Uganda ingufu za nuclear

Uburusiya bwasinye amasezerano n’igihugu cya Uganda agamije kuyubakira...
20 September 2019 Yasuwe: 1482 0

Zine el Abidine Ben Ali wayoboye igihugu cya Tunisia imyaka 23 yitabye...

Zine El Abidine Ben Ali, wabaye Perezida wa Tunisia imyaka igera kuri 23...
20 September 2019 Yasuwe: 475 0

Ingabo za FARDC zasanganye Lt Gen. Mudacumura Flash Disk n’ibindi bikoresho...

Ingabo za Leta ya Repubulika iharanira Demokarasi ya Kongo, FARDC,zasanze...
20 September 2019 Yasuwe: 7447 0

FDLR yateye urujijo benshi kubera itangazo ryo kubika Mudacumura yashyize...

Umutwe wa FDLR ugamije guhungabanya umutekano w’u Rwanda washyize hanze...
19 September 2019 Yasuwe: 10746 0

Perezida wa Liberia yihanganishije imiryango yabuze abana bahiriye mu nzu...

Umukuru w’igihugu cya Liberia, George Weah kuri Twitter yihanganishije...
19 September 2019 Yasuwe: 1358 0