Kompanyi ya Boeing yahagaritse indege zo mu bwoko bwa Boeing 737 Max 8 zikozwe nk’iherutse kwica abantu 157

Amakuru   Yanditswe na: Dusingizimana Remy 14 March 2019 Yasuwe: 1469

Kompanyi ikora indege ya Boeing, yahagaritse indege zose zo mu bwoko bwa Boeing 737 Max 8 nyuma y’aho indege yo muri ubu bwoko ya Ethiopian Airlines ihitanye abantu 157 mu Cyumweru gishize.

Iyi kompanyi ikora indege ya Boeing yo muri Leta Zunze Ubumwe za Amerika yatangaje ko yahagaritse indege 371 zose kugira ngo habanze hakorwe iperereza rihagije ku bibazo yaba ifite.

Ubuyobozi bw’ikigo gishinzwe ingendo z’indege muri Leta Zunze Ubumwe za Amerika, FAA,bwavuze ko ibimenyetso bitangwa n’ibyogajuru (satellites) aribyo byatumye hafatwa iki cyemezo cy’uko izi ndege zo muri ubu bwoko zaba zihagaritswe.

Iki kigo cyohereje inzobere mu by’indege aho indege ya kompanyi ya Ethiopian Airlines yakoreye impanuka kugira ngo bakusanye amakuru neza ku byerekeye ubu bwoko bw’indege ya Boeing 737 Max 8.

Dan Elwell uyoboye FAA,ku munsi w’ejo,taliki ya 13 Werurwe 2019 yavuze ko babonye ko hari isano riri hagati y’impanuka y’indege ya Ethiopian Airlines n’iya Lion Air yo muri Indonesia nayo yahitanye abantu 189 mu mwaka ushize.

Yagize ati"Ibimenyetso twabonye aho impanuka y’indege ya Ethiopian Airlines yabereye bisa neza n’iby’indege ya Lion Air".

Ibihugu bikomeye ku isi byamaze guhagarika izi ndege za Boeing 37 Max 8 kubera ko ngo zifite ibibazo bituma zikora impanuka cyane ko mu mezi atageze kuri 5 zimaze gukora impanuka kabiri.

Uyu munsi saa kumi n’ebyiri nibwo abagize imiryango y’abazize impanuka y’indege ya Ethiopian Airlines barasomerwa misa yo kubasabira mu mujyi wa Addis Ababa muri Ethiopia.


Ibisigazwa byindege ya Boeing 737 Max 8 ya Kompanyi Ethiopian Airlines iherutse guhitana abarenga 157

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bimwe mu bice by’ingurube birimo n’umutima wayo bizajya byifashishwa mu...

Abashakashatsi bagaragaje ko mu myaka iri imbere, bimwe mu bice by’inyamaswa...
23 August 2019 Yasuwe: 1330 0

Perezidansi ya Uganda yataye muri yombi abantu benshi barimo n’uwahoze ari...

Umutwe ushinzwe kurwanya ruswa muri Perezidansi ya Uganda, wataye muri...
23 August 2019 Yasuwe: 2727 0

Igikomangoma Harry n’umugore we Meghan Markle bakomeje kwirukana umusubirizo...

Igikomangoma Harry n’umugore we Meghan Markle bakomeje guca ibintu kubera...
21 August 2019 Yasuwe: 4726 1

Perezida Nkurunziza yamaze amatsiko abibaza niba azongera kwiyamamariza...

Perezida w’igihugu cy’u Burundi, Petero Nkurunziza yavuze ko imihigo...
21 August 2019 Yasuwe: 5594 3

Minisitiri w’intebe wa RDC agiye gushyiraho guverinoma nshya itegerejwe na...

Minisitiri w’Intebe wa Repubulika Iharanira Demokarasi ya Congo, Ilunga...
20 August 2019 Yasuwe: 744 0

Burundi :Umurwanashyaka wa CNL yishwe abandi batandatu barakomereka

Umurwanashyaka w’ishyaka rya CNL ryashinzwe na Agayhon yaraye yishwe abandi...
19 August 2019 Yasuwe: 1511 0