Meghan Markle washakanye n’igikomangoma cy’Ubwongereza yahaye igihano gikarishye se wamusebeje mu binyamakuru

Amakuru   Yanditswe na: Dusingizimana Remy 2 September 2019 Yasuwe: 3985

Meghan Markle wahoze ari umukinnyi wa filimi ukomeye muri USA akabivamo ubwo yashyingiranwaga n’igikomangoma cy’Ubwongereza Harry yavuze ko atazongera guhura ukundi na se ndetse ngo ntazigera amwereka umwuzukuru we Archie aherutse kubyara.

Mu minsi ishize nibwo Thomas Markle w’imyaka 75 yavuze ko umukobwa we Meghan Markle amufata nk’umuzimu ndetse yamusuzuguye cyane aho yemeje ko yifuza guterura umwuzukuru we nkuko yateruye Meghan akiri muto.

Meghan Markle yababajwe cyane n’amagambo se yamuvuzeho mu binyamakuru ariyo mpamvu yatangaje ko yamaze gusenya inzira zose zishobora kumuhuza na se ndetse ngo ntazigera na rimwe yemera ko ahura n’umwuzukuru we Archie.

Meghan yavuze ko atazongera guhura na se mu rwego rwo kurinda umwana we w’umuhungu n’umugabo we Prince Harry.

Thomas Markle uba muri Mexico yabwiye Daily Mail ko yizeye ko kuva umukobwa we yarabyaye bizamutera kumusura we n’umugabo we cyane ko ngo hashize amezi 16 bamufata nk’umuzimu.

Uyu musaza ntiyashoboye kwitabira ubukwe bw’umukobwa we Meghan muri Gicurasi umwaka ushize kubera ko yarwaye umutima habura iminsi mike ngo butahe.

Amakuru aturuka I Bwami avuga ko uyu mugore Meghan w’imyaka 38 nta mutima agifitiye se ndetse ngo we n’umugabo we Harry ntibazigera na rimwe bemera kumuhuza n’umwuzukuru we.

Uyu musaza wareze Meghan mu bukene bukabije yababajwe nuko akimara gushaka atigeze yongera kumuha agaciro ahubwo yahisemo kwiyegereza nyina Doria.



Meghan Markle yavuze ko atazongera guhura na se ukundi kubera kubashyira mu binyamakuru

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Lt Gen Mudacumura wayoboraga FDLR yarasiwe muri RDC arapfa

Mu rukerera rwo kuri uyu wa Gatatu taliki ya 18 Nzeri 2019, Gen Mudacumura...
18 September 2019 Yasuwe: 7311 1

Umuyoboke w’ishyaka NRM riri ku butegetsi bwa Uganda yatewe umusumari ku...

Umugabo witwa Isaac Katoogo uzwi nka “Ambassador wa Yesu”usanzwe ari umuhanzi...
18 September 2019 Yasuwe: 2340 1

Abapolisi 4 bo muri Uganda bashinjwe gufata amashusho y’urukozasoni

Nyuma y’amashusho yasakajwe ku mbugankoranyambaga yagaragazaga umugore...
18 September 2019 Yasuwe: 1066 0

Uyu mu-Senateri yashinjwe gusambanya umugore bahuriye kuri Facebook

Senateri Anwar Loitiptip arashinjwa n’ umugore w’ iwabo muri Kenya ko...
18 September 2019 Yasuwe: 1617 0

Afghanistan: Igisasu cyaturikiye hafi y’aho perezida yari ari kwiyamamariza...

Igisasu cyatewe n’abantu bataramenyekana hafi y’aho perezida wa Afuganistan...
17 September 2019 Yasuwe: 1058 0

Umudepite uhagarariye leta ya Minessota yemeje ko perezida Trump azeguzwa...

Ilhan Omar umudepite uhagarariye leta ya Minnesota muri Amerika avuga ko...
17 September 2019 Yasuwe: 2776 0