dnd

Moise Katumbi yakiriwe n’imbaga y’abakongomani ubwo yari ahungutse [AMAFOTO]

Amakuru   Yanditswe na: Dusingizimana Remy 20 May 2019 Yasuwe: 4082

Umuherwe Moïse Katumbi wari umaze imyaka isaga 3 mu buhungiro kubera ibyaha yashinjwe n’ubushinjacyaha bwa RDC mu mwaka wa 2016,yahungutse uyu munsi,yakirwa n’imbaga y’abakongomani bamwakiriye nk’umwami.



Uyu mugabo w’imyaka 54 yavuye muri Congo mu 2016 avuga ko agiye kwivuza muri Afurika y’Epfo,ntiyongera kugaruka ahita akomereza mu Bubiligi aho yari amaze iyi myaka ari mu buhungiro.

Katumbi wahoze ari Guverineri w’Intara ya Katanga,mu minsi ishize yatangaje ko agarutse mu gihugu cye kugira ngo agire uruhare mu kongera kucyubaka asaba abifuza kuzaza kumwakira, kuza bambaye imyenda y’umweru nk’ikimenyetso cy’amahoro.

Indege bwite ye yageze ku kibuga cya Lubumbashi mu majyepfo ashyira uburasirazuba bw’igihugu cya Kongo Kinshasa,saa tanu n’iminota 45 ku isaha yaho.

Katumbi yakiriwe n’imbaga y’abakongomani bamushyigikiye i Lubumbashi, umurwa mukuru w’intara ya Katanga yabereye umuyobozi (2007 - 2015), yaje kumwakira yitwaje ibyapa n’imyambaro biriho amafoto ye mu rwego rwo kumuha ikaze.

Ubwo yifuzaga kwiyamamariza kuyobora Kongo, ubutegetsi bwa Joseph Kabila bwasohoye impapuro zo kumuta muri yombi muri 2016 ahita ahungira mu Bubiligi.

Mu mwaka wa 2016, urukiko rwakatiye Moise Katumbi igifungo cy’imyaka itatu adahari, nyuma yo kumuhamya icyaha cyo kwigwizaho imitungo no gukorana n’abacanshuro b’Abarusiya mu kunyereza umutungo wa Leta. Urukiko rw’ubujurire rwa RDC ruherutse gutesha agaciro icyo gifungo ariyo mpamvu uyu muherwe yatashye.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Fatima w’imyaka 16 wari ugiye kurongorwa yaguye mu cyobo ahita...

Umukobwa wari ugiye kurongorwa yitabye Imana nyuma yo kunyerera akagwa mu...
14 December 2019 Yasuwe: 2711 0

Umunya-Nigeria yakoze ibitarakorwa n’undi uwo ariwe wese mu mateka ya...

Kugeza ubu Leta zunze ubumwe za Amerika, zimaze gutahura Abanyanigeria...
14 December 2019 Yasuwe: 5911 1

Intumwa z’u Rwanda zirangajwe imbere na Ambasaderi Olivier Nduhungirehe...

Intumwa z’u Rwanda zirangajwe imbere na Ambasaderi Olivier Nduhungirehe,...
13 December 2019 Yasuwe: 2435 1

Boris Johnson azasubira mu biro bya minisitiri w’intebe w’Ubwongereza bizwi...

Boris Johnson azasubira mu biro bya minisitiri w’intebe w’Ubwongereza bizwi...
13 December 2019 Yasuwe: 897 0

Bobi Wine ari kwifashisha abakobwa beza,amafi,ihene n’amafaranga yiyamamaza...

Ubu mu gihugu cya Uganda abantu batangiye kwibaza ikigiye kuba ndetse bamwe...
13 December 2019 Yasuwe: 5129 0

Imfungwa yahawe imbabazi na Perezida Magufuli nyuma y’amasaha 8 yongeye...

Ku wa 9 Ukuboza 2019, Perezida wa Tanzania John Pombe Magufuli yahaye...
12 December 2019 Yasuwe: 3645 0