Mukerarugendo w’umunya Czech Republic yahuye n’uruva gusenya ubwo yarimo yoga mu Nyanja itukura igifi kinini cya shark kimusangamo kiramwica.

Sponsored Ad

Uyu mugabo yapfiriye mu birometero 20 uvuye mu mujyi wa Marsa Alam ,ubwo yari mu mazi iki gikoko kikamusangamo kikamwica nkuko byemejwe n’umuyobozi w’uyu mujyi witwa Atef Wagdy.

Ikibabaje kurusha ibindi ni uko iki gifi cyamuriye ubwo yari ari kumwe n’abana be ndetse n’umugore we bari batemberanye muri iki gihugu.

Minisiteri y’ubuzima ya Misiri yamaze guhamagara igihugu cya Czech ndetse baraza kugishyikiriza umurambo w’uyu muturage wabo wapfuye arimo kwinezeza.

Ibi bifi bikomeje gutwara ubuzima bwa ba mukerarugendo mu Misiri,kuko mu mwaka wa 2015 shark yishe mukerarugendo w’Umudage warimo yota akazuba ku nkombe z’iyi Nyanja itukura.

Mu mwaka wa 2010, igifi cyatatse ba mukerarugendo barimo boga mu Nyanja itukura cyica mukerarugendo w’Umudage ndetse gikomeretsa abandi bane.