Museveni yakagombye kuyobora Uganda kugeza igihe ashaka

Amakuru   Yanditswe na: Renzaho Ferdinand 23 July 2017 Yasuwe: 1585

Umuyobozi w’umugi wa Kampala, Beti Kamya, yitabiriye ibiganirompaka bivuga ku kibazo cy’inzitizi y’imyaka mu kuyobora Uganda, ibiganiro Museveni aherutse kuvuga ko ari uguta umwanya.

Dailymonitor yanditse ko mu kiganiro n’abanyamakuru, Ms Kamya yagaragaje ko Perezida Museveni ari umugisha wa Uganda, bityo Uganda itakagombye kuvuga ko mu 2021 Museveni ataziyamamariza kongera kuyobora igihugu kubera kurenza imyaka igenwa n’itegekonshinga rya Uganda.

Ms Kamya wahoze ari umwe mu barwanya ubutegetsi bwa Museveni mu ishyaka rya UFA (Uganda Federal Alliance), yagaragaje yivuye inyuma ko ashyigikiye ko Yoweri Museveni yakomeza kuyobora Uganda uko abyifuza, mu gihe cyose yaba agifite intege ndetse n’ubushake bwo kuyobora.

Agira ati:”Ntabwo biciye mu mucyo kuba abantu bajya hariya bagatangira kwamagana ivugururwa ry’itegekonshinga. Ahubwo mwakabaye mutangiza ibikorwa byo gushishikariza abaturage gutora kamarampaka. Ndatekereza ko Abagande mwese mwakagombye gushyira mu nyurabwenge mukihutisha ivugururwa ry’itegekonshinga. Igihe icyo aricyo cyose Imana ikomeje gutiza Museveni ubushobozi bwo kuyobora igihugu, yakagombye gukomeza kutuyobora“.

Uyu muyobozi asaba amashyaka yose atavuga rumwe n’ubutegetsi ko yarekeraho imyigaragambyo yo kubuza ihindurwa ry’itegekonshinga, ndetse hakanoherezwa intumwa y’umwihariko ngo iganirize Kizza Besigye ngo areke gukaza iyi myigaragambyo.

Imiryango ya gisivile n’amashyaka atavuga rumwe na Leta ya Museveni, akomeje kugaragaza ko atazemera na gato ko ibikubiye mu itegekonshinga rya Uganda ryo mu 1995, ingingo ya 102 ritahindurwa. Iyi ngingo ivuga ko umuntu wese urengeje imyaka 75 atemerewe kwiyamamariza kuyobora Uganda, ibi bivuze ko Yoweri Kaguta Museveni atazemererwa kwiyamamaza mu 2021 igihe itegekonshinga ritaba rivuguruwe, kuko iyi myaka azaba ayirengeje.

Uganda ikuye mu itegekonshinga umubare wa manda zigenewe umukuru w’ igihugu ntabwo yaba ibaye igihugu cya mbere gikoze ibintu nk’ ibi muri Afurika kuko kugeza ubu hari ibihugu bigera ku 10 byabikoze birimo n’ u Rwanda.

Author : Renzaho Ferdinand

Ibitecyerezo

  • Log in

    Amategeko n'amabwiriza birkurikizwa


  • chat_bubble castro

    Museveni bazamureke yiyamamaze arashoboye

    4 months ago

Inzindi nkuru

Ikinyamakuru ‘Redpepper’ cyafunzwe kubera inkuru cyanditse kuri Museveni na...

Polisi ya Uganda yafunze ikinyamakuru cyo muri Uganda ‘Redpepper’ kubera...
22 November 2017 Yasuwe: 2372 0

Zimbabwe: Abadepite n’ abasenateri bagiye gutorera ingingo yo kweguza...

Ishyaka rya Zanu PF ryatangiye gahunda yo kweguza Perezida Robert Mugabe...
21 November 2017 Yasuwe: 372 0

Kenya: Urukiko rw’ikirenga rwemeje intsinzi ya Kenyatta

Muri iki gitondo cyo kuri wa Ubere tariki ya 19 Ugushyingo 2017 Urukiko...
20 November 2017 Yasuwe: 425 0

Perezida Museveni yavuze ko napfa azazuka

Perezida wa Uganda Yoweri Kaguta Museveni w’ imyaka 73 y’ amavuko yavugiye...
19 November 2017 Yasuwe: 2113 1

Igishushanyo cya Yezu cyagurishijwe miliyoni 450 z’amadolari

Igishushanyo cya Yezu Coba cyashushanijwe n’umuhanga w’umutaliyani mu...
17 November 2017 Yasuwe: 972 3

Burundi: Abatavugarumwe n’ ubutegetsi bamaganye ibyavuzwe na Magufuli na...

Perezida Museveni na Perezida Magufuli Abatavugarumwe n’ ubutegetsi bwa...
15 November 2017 Yasuwe: 1880 1