Perezida Macron yashyizeho umugaba mukuru w’Ingabo wagize uruhare muri ‘Operation Turquoise’

Amakuru   Yanditswe na: Iyamuremye Janvier 20 July 2017 Yasuwe: 2210

Perezida w’Ubufaransa Jean Michelle Emmanuel Macron yashyizeho Umugaba Mukuru w’ingabo mushya General François Lecointre usimbura Gen Pierre Le Jolis de Villiers weguye ku mirimo ye.

General François Lecointre yashyizwe kuri uyu mwanya ku wa Gatatu tariki ya 19 Nyakanga 2017. Uyu mugabo yagize uruhare rukomeye muri Operation Turquoise mu Rwanda.

Uwo asimbuye ni Gen Pierre de Villiers weguye ku mirimo ye nyuma yo kutumvikana na Perezida Emmanuel Macron ku kugabanya ingengo y’imari yari igenewe igisirikare yari akuriye.

Mu itangazo Gen Pierre de Villiers yashyize ahagaragara ku wa 19 Nyakanga, yavuze ko atari agishoboye “kwizeza uburambe bw’imikorere y’igisirikare yari amaze kubona ko ibereye kurinda ubusugire bw’u Bufaransa n’Abafaransa uyu munsi n’ejo, no kubahiriza ibyifuzo by’igihugu.”

Miliyoni 850 z’amayero nizo Macron yasabye ko zigabanywa ku ngengo y’imari y’igisirikare muri gahunda y’ibihugu bigize Umuryango w’Ubumwe bw’Uburayi yo gukoresha atarenze 3% by’umusaruro mbumbe w’igihugu.

Lecointre wasimbuye De Villiers[Général Pierre de Villiers w’imyaka 60 yagizwe Umugaba w’Ingabo z’u Bufaransa mu 2014, asimbuye Amiral Edouard Guillaud, icyo gihe hari ku bwa Perezida François Hollande.] yari asanzwe ashinzwe iby’umutekano mu biro bya Minisitiri w’Intebe.

Ni umwe mu basirikare bagize uruhare muri Zone Turquoise mu Rwanda mu mwaka wa 1994. Iyo Zone yabaye inzira yo guhungisha benshi mu bari bamaze gukora Jenoside yakorewe Abatutsi bagahungira muri Repubulika Iharanira Demokarasi ya Congo (yahoze ari Zaire).

Inshingano z’iyo operation yemejwe na Loni, zari izo kurindirra umutekano abasivili, abavuye mu byabo n’impunzi n’ibikorwa by’ubutabazi aho biri ngombwa.

Ikinyamakuru Le Monde kivuga ko Uyu mugaba mushya w’ingabo z’Ubufaransa yanarwanye mu bihugu bitandukanye nka Bosnie-Herzégovine, Irak, Djibouti, Somaliya n’ahandi.

Kugeza ubu, U Bufaransa ntiburemera uruhare rwabo muri Jenoside yahitanye abarenga Miliyoni y’Abatutsi, Umugaba mushya w’ingabo afite akazi gakomeye ko guhuza igisirakare n’ingego y’imari nshya bashyiriweho.

Umugaba w’Ingabo z’u Bufaransa Gen Pierre de Villiers weguye ku mirimo ye
Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Kimonyo

    Ndatangaye cyane kubona mutavuze uruhare yagize muri genocide.None se we ni umwere cg yakoze genocide.Yaba se ari kuri ya liste yabasirikare babafaransa baregwa?

    July 2017

Inzindi nkuru

Urutonde rw’imigi 10 yoroshye n’10 igoye kuyibamo ku isi muri uyu mwaka wa...

Ubushakashatsi bwakozwe n’ikinyamakuru The Economist cyo mu Bwongereza...
14 August 2018 Yasuwe: 2924 0

Abakinnyi bane b’abakobwa bakomerekeye mu mirwano ikaze yabahuje na bagenzi...

Mu mukino wahuzaga amakipe 2 y’abagore yo muri Argentina Universitario na...
13 August 2018 Yasuwe: 1843 0

RDC: Abaganga 74 bashyizwe mu kato kubera Ebola

Muri Repubulika iharanira Demokarasi ya Congo, abaganga 74 bashyizwe mu...
13 August 2018 Yasuwe: 536 0

Umutekamutwe yasabye umubyeyi umwana ngo arebe ahita aburirwa...

Polisi yo mu karere ka Pallisa iri gukora iperereza ku kirego cy’umwana...
13 August 2018 Yasuwe: 1556 0

Uwiyita umuvuzi gakondo yafatanywe imirambo itanu mu nzu ye

Muri Uganda mu cyaro cya Kisoga, mu karere ka Kayunga, polisi yafatanye...
13 August 2018 Yasuwe: 3013 0

Imvubu yishe mukerarugendo w’umushinwa washakaga kuyifotora

Mukerarugendo w’umushinwa witwa Chang Ming Chuang w’imyaka 66 yapfiriye muri...
12 August 2018 Yasuwe: 2561 0