Perezida Museveni yasabwe kudasinya itegeko rimwemerera kongera kwiyamamaza

Amakuru   Yanditswe na: Nsanzimana Ernest 26 December 2017 Yasuwe: 643

Bishop wa diyoseze ya Kinkizi Rev Dan Zoreka yasabye Perezida wa Uganda Yoweli Kaguta Museveni kudashyira umukono ku itegeko ryo guhindura itegeko nshinga hagahindurwa imyaka y’ ubukure Perezida wa Uganda adakwiye kurenza.

Ishingiro ry’ uyu mushinga wo guhindura imyaka y’ ubukure Perezida wa Uganda adakwiye kurenza uherutse kwemeza n’ inteko ishinga amategeko ya Uganda. Nubwo bimeze gutyo ariko Rev Dan Zoreka asanga amazi atarenga inkombe ahubwo Museveni akwiye kumvira ijwi rya benshi.

Bishop Zoreka yabitangarije mu butumwa yahaye abakiristu ubwo bizihizaga noheli yo ku wa 25 Ukuboza 2017.

Yagize ati “Ndabizi ko umushinga witegeko uherutse kwemezwa n’abadepite utaremezwa na Perezida wa Repubulika. Icyo nabwira abadepite, n’ubwo bibwira ko byose byarangiye, bakagombye kumva abanya Uganda bose bakagendera ku kifuzo cya benshi. Rimwe narimwe ikifuzo cya benshi kirirengagizwa ariko kuri iyi nshuro bafite ingingo kuri iri vugururwa ry’itegeko nshinga.”

Mu minsi ishize, ubushakashatsi bw’imiryango itegamiye kuri leta bwagaragaje ko abaturage 85% bagaragaje ko badashyigikiye ko itegeko nshinga rya Uganda rivugururwa.

Nubwo bimeze bityo ariko, 2/3 by’abadepite b’inteko ishinga amategeko ya Uganda, bemeje ishingiro ry’umushinga witegeko uvugurura itegeko nshinga rya Uganda.
Itegeko nshinga rya Uganda rivuga ko Perezida wa Uganda agomba kuba afite imyaka iri hejuru ya 28 ariko itarenze 75, Perezida Museveni afite imyaka 73 bivuze ko azarangiza manda ayoboye afite imyaka 76 bisobanuye ko itegeko nshinga rya Uganda ritavuguruwe Perezida Museveni ataba yemerewe kongera kwiyamamaza.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umwana wavutse umutima we uri hanze y’umubiri we byashimishije benshi kuba...

Umwana witwa Vanellope Hope Wilkins ukomoka mu Bwongereza wavutse umutima...
26 May 2018 Yasuwe: 1836 0

Ibiyobyabwenge byatumye umusirikari afata ku ngufu umugore bahuriye mu...

Umugabo witwa Connor Brayley w’imyaka 24 usanzwe ari umusirikare,yanyoye...
26 May 2018 Yasuwe: 1656 0

Amerika yatangaje ko yiteguye gutera Koreya ya ruguru mu minsi iri...

Ubuvugizi bw’ingabo za Leta Zunze ubumwe z’Amerika bwavuze ko ingabo za...
25 May 2018 Yasuwe: 3084 0

Abarusiya batahuwe ko aribo barashe ya ndege ya Malaysia Airlines yari...

Ingabo z’Uburusiya zari zikambitse muri Ukraine mu gace ka Kursk, nizo...
24 May 2018 Yasuwe: 4313 1

Umukobwa w’umuzungu yaciwe akayabo kubera gutuka umuganga w’umwirabura akanga...

Umukobwa witwa Zena Edwards ukomoka muri Wales, yaciwe akayabo k’amapawundi...
23 May 2018 Yasuwe: 2486 1

Imbwa y’inkazi yariye umwana muto rubanda ruhurura ruje gufata amashusho...

Imbwa yo mu bwoko bwa Pit bull yariye umwana wo mu Bushinwa uzwi nka Wu...
22 May 2018 Yasuwe: 3732 0