Perezida Trump agiye gucukumbura niba umunyamakuru Jamal yariciwe muri ambasade

Amakuru   Yanditswe na: Nsanzimana Ernest 11 October 2018 Yasuwe: 531

Perezida wa Leta Zunze Ubumwe z’Amerika Donald Trump yasezeranyije "kugera ku muzi" w’ikibazo kijyanye n’umunyamakuru Jamal Khashoggi wo muri Arabie Saoudite waburiwe irengero.

Trump yabwiye abanyamakuru ko yaganiriye n’abategetsi ba Arabie Saoudite bo "ku rwego rwo hejuru cyane" ku bijyanye n’ umunyamakuru Khashoggi.

Khashoggi wabaga muri Amerika akaba n’unenga ubwami bwa Arabie Saoudite, yinjiye mu biro by’uhagarariye Arabie Saoudite mu murwa mukuru wa Turukiya, Istanbul, ku itariki ya 2 y’uku kwezi kwa cumi kuva ubwo ntihagire uwongera kumuca iryera.

Abategetsi ba Turukiya bavuga ko Khashoggi yishwe. Arabie Saoudite irabihakana. Ku wa gatatu Trump yabwiye abanyamakuru ati:
"Ntabwo dushobora kureka ibi ngo bibe ku banyamakuru, ku muntu uwo ari we wese. Turi gusaba buri kintu cyose. Turashaka kumenya ibiri kubera hariya."

Ibiro bya perezida w’Amerika bya White House byatangaje ko Mike Pompeo, umunyamabanga wa leta y’Amerika, n’abandi bategetsi bo hejuru bavuganye n’igikomangoma Mohammed Bin Salman cya Arabie Saoudite ku wa kabiri.
Byatangaje ko bamusabye amakuru arenzeho kuri icyo kibazo.

Turukiya na Arabie Saoudite byombi ni ibihugu by’inshuti z’Amerika.
Mbere yaho kuri uwo wa gatatu, ibitangazamakuru byo muri Turukiya bwatangaje videwo bivuga ko zigaragaza ibimenyetso by’umugambi ufitanye isano n’iburirwa irengero rya Khashoggi.

Izo videwo zigaragaza abo byibazwa ko ari abakozi b’urwego rw’ubutasi rwa Arabie Saoudite binjira ndetse banava muri Turukiya banyuze ku kibuga cy’indege cya Istanbul.

Hagati aho, Ubwongereza nabwo ku wa gatatu bwatangaje ko bushaka ko Arabie Saoudite ibuha "ibisubizo mu buryo bwihutirwa" kuri uwo munyamakuru waburiwe irengero.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abantu 11 muri Brazil barasiwe mu kabari gaciriritse barapfa

Itsinda ry’abitwaje intwaro binjiye mu kabari mu mujyi mu majyaruguru ya...
20 May 2019 Yasuwe: 1024 0

Donald Trump yaburiye Irani bikomeye avuga ko yahita isenyuka yose ibihugu...

Perezida Donald Trump wa Leta Zunze Ubumwe z’Amerika yaburiye Irani...
20 May 2019 Yasuwe: 1744 0

Uganda: Ubwato bwari butwaye abakinnyi n’abafana bwarohamye mu kiyaga cya...

Ubwato bwari butwaye ikipe n’abafana bayo bageraga kuri 50 bagiye gukina...
20 May 2019 Yasuwe: 1980 0

Moise Katumbi yakiriwe n’imbaga y’abakongomani ubwo yari ahungutse...

Umuherwe Moïse Katumbi wari umaze imyaka isaga 3 mu buhungiro kubera ibyaha...
20 May 2019 Yasuwe: 3682 0

US: Umuherwe yarihiye Abanyeshuli barangije kaminuza inguzanyo bari...

Umuherwe witwa Robert F. Smith ukomoka muri USA yashimishije abanyeshuli...
20 May 2019 Yasuwe: 2712 0

Burundi: Abakinnyi b’umukino w’iteramakofe bafungiwe muri Hoteli kubera...

Abakinnyi bari bahagarariye igihugu y’Uburundi mu mikino nyafurika...
20 May 2019 Yasuwe: 1248 0