Abahanga ndetse n’abashakashatsi babarizwa mu muryango w’abibumbye, ONU bashizwe uburenganzira bwa muntu bavuze babuze icyo gukora bitewe n’amahano akorwa n’impande zombi zishyamiranye muri Sudani y’Epfo.
Ni nyuma y’uruzindiko rw’iminsi 12 bagiriye muri icyo gihugu, bavuze ku bukene bukabije ndetse n’amahano akorwa ashingiye ku bitsina bigoye kuyavuga mu ruhame nk’uko BBC yabitangaje.
Abagabo bakiri bato bafashwe ku ngufu n’abandi bagabo, ahandi nabo basabwa gusambanya ku ngufu bamwe mubo mu (...)

Sponsored Ad

Abahanga ndetse n’abashakashatsi babarizwa mu muryango w’abibumbye, ONU bashizwe uburenganzira bwa muntu bavuze babuze icyo gukora bitewe n’amahano akorwa n’impande zombi zishyamiranye muri Sudani y’Epfo.

Ni nyuma y’uruzindiko rw’iminsi 12 bagiriye muri icyo gihugu, bavuze ku bukene bukabije ndetse n’amahano akorwa ashingiye ku bitsina bigoye kuyavuga mu ruhame nk’uko BBC yabitangaje.

Abagabo bakiri bato bafashwe ku ngufu n’abandi bagabo, ahandi nabo basabwa gusambanya ku ngufu bamwe mubo mu miryango yabo, abandi bareba n’amaso yabo.

Abasirikare benshi bafashe ku ngufu umugore w’imyaka 60, bamurekura bazi ko yapfuye.

Abaturage barashonje kugeraho barya ibyatsi n’amababi y’ibiti, kubera ko babuze ibyo kurya hirya no hino.

Abo bahanga babwiwe ko abantu bose batunze imbunda muri Sudani y’Epfo, bigatuma umubare w’abapfa wiyongera cyane, bikaba bisobanura ko ubwicanyi bukorwa uko bukeye n’uko bwije.

Ubwo bwicanyi bwadutse nyuma y’umunsi umwe impande zose zishize umukono ku masezerano yo guhagarika intambara no guhangana.

Amasezerano yo kurangiza intambara amaze imyaka ine ariko nta narimwe yigeze yubahirizwa.