Uburundi bwasabye amahanga gufatira urugero kuri Nkurunziza wanze kwiyamamariza indi manda

Amakuru   Yanditswe na: Dusingizimana Remy 1 October 2019 Yasuwe: 1915

Minisitiri w’ububanyi n’amahanga w’u Burundi yabwiye inama rusange y’umuryango w’abibumbye ko u Burundi bwiteguye neza amatora ya 2020 kandi bwifuza ko aya matora areba u Burundi bwonyine.

Minisitiri Ézéchiel Nibigira yabwiye inama rusange y’umuryango w’abibumbye (ONU) i New York ko kuba Perezida Nkurunziza ataziyamamaza mu 2020 ari igikorwa cy’agaciro.

Ati: "Ni igikorwa gikomeye cya politiki na demokarasi cyabera urugero abandi ku mugabane wose [Africa] n’ahandi".

Bwana Niyibigira yavuze ko u Burundi bugeze kure bwitegura ayo matora ngo azabe mu mahoro, ubwisanzure n’umucyo.

Mu ijambo rye ryamaze iminota 30, yamaze iminota irenga 20 avuga kuri politiki y’imbere mu Burundi.

Yavuze ko abashatse guhirika ubutegetsi mu 2015 umugambi wabo n’ubu ugihari ariko "bizabagora kuwugeraho".

Avuga ko abagifite uwo mugambi bacumbikiwe mu bihugu atavuze amazina.

Yasabye inama ishinzwe umutekano ya ONU kuvana u Burundi muri gahunda zayo.

Inama ishinzwe umutekano iheruka guterana yiga ku Burundi, yemeza ko mu Burundi hari ibikorwa bibi ku burenganzira bwa muntu n’abatavuga rumwe n’ubutegetsi.

Komisiyo y’uburenganzira bwa muntu ya ONU iheruka gutangaza raporo y’abakoze iperereza bemeje ibyari byagarutsweho n’iyi nama ishinzwe umutekano ya ONU.

Iyi komisiyo muri raporo yayo yavuze ko ibyaha byibasira inyoko muntu biri gukorwa mu Burundi bishobora kubazwa Perezida Nkurnziza ubwe mu rwego rw’amategeko.

Abategetsi b’u Burundi bahakanye ibivugwa n’iyi miryango mpuzamahanga, bavuze ko iyo raporo ishingiye ku mvo za politiki.

Bwana Niyibigira yabwiye inama rusange ya ONU ko mu Burundi hari amahoro asesuye.

Yavuze ko leta iri gutera intambwe nziza igana ku bwisanzure mu gutanga ibitekerezo, ubw’itangazamakuru n’amadini.

Ézéchiel Nibigira muri iyi nama, yari ahagarariye Perezida Petero Nkurunziza utarongeye kwitabira inama rusange y’umuryango w’abibumbye kuva mu 2011.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burundi: Umugabo washinjwaga kugaburira inyeshyamba muri Kongo yiciwe muri...

Umugabo wafunzwe ku cyumweru taliki ya 13 Ukwakira 2019 azira kugaburira...
16 October 2019 Yasuwe: 1586 0

Perezida Museveni ati "Abashyigikira amoko murakajya mu kuzimu"

Perezida Museveni yasabye abayobozi ba Sudani y’Amajyepfo gushyira imbaraga...
16 October 2019 Yasuwe: 902 0

Kim Jong-un yatereye umusozi ’udasanzwe’ ku ifarashi ajya mu mwiherero

Umutegetsi mukuru wa Koreya ya ruguru Kim Jong-un yatereye umusozi wa mbere...
16 October 2019 Yasuwe: 2451 0

Perezida Kagame yakiranywe urugwiro muri Centrafrique[AMAFOTO]

Perezida wa Repubulika y’u Rwanda Paul Kagame ari muri Repubulika ya...
15 October 2019 Yasuwe: 2822 0

Hitabajwe Ingabo zirinda Perezida Museveni mu itangwa ry’ibizamini...

Mu gihugu cya Uganda ubwo hatangizwaga ibizamini by’abanyeshuri barangiza...
15 October 2019 Yasuwe: 3290 0

Amerika yafatiye ibihano abayobozi ba Turkia kubera kugaba ibitero mu...

Leta Zunze Ubumwe z’Amerika zafatiye ibihano minisiteri ebyiri zo muri leta...
15 October 2019 Yasuwe: 900 1