Uganda: Umunyarwanda wigaga muri Makerere University yarohamye muri Pisine arapfa

Amakuru   Yanditswe na: Dusingizimana Remy 15 October 2019 Yasuwe: 2165

Umunyarwanda witwa James Uwimpuhwe wigaga mu mwaka wa kabiri muri Social Sciences,yapfiriye muri pisine ya kaminuza yigagamo ya Makerere University ku cyumweru taliki ya 13 Ukwakira 2019 bituma ihita ifungwa.



Mu ijoro ryo ku cyumweru,nibwo Uwimpuhwe wari ushinzwe imikino mu banyeshuli b’Abanyarwanda biga muri kaminuza ya Makerere yo muri Uganda yarohamye muri pisine ku mpamvu zitabashije kumenyekana.

Ikinyamakuru Spyreports cyo muri Uganda cyatangaje ko abantu bamenye ko uyu munyarwanda yarohamye muri Pisine nyuma y’iminota 20 yamaze atagaragara bagakeka ko umurambo we uri mu mazi hasi.

Bakimara kumurohora mu mazi,bamujyanye ahitwa Abi Clinic mu gace ka Wandegeya ari naho abaganga batangarije ko yamaze gupfa.Umurambo we wahise ujyanwa ku bitaro bya Mulago.

Inshuti ya Uwimpuhwe yitwa Taremwa Micheal Ngabo nawe wari mu ihuriro ry’Abanyarwanda biga muri kaminuza ya Makerere yabwiye iki kinyamakuru ati “Yarimo yogana n’inshuti ze ariko kubw’ibyago arapfa.Inshuti ze zagize ngo yibiye hasi mu mazi ntizamenya ko yarohamye ndetse yageze hasi muri pisine.”

Umwe mu bayobozi ba kaminuza ya Makerere witwa Doreen Nyanjura yabwiye Spy Uganda ko uyu munyarwanda yari agiye kurohama nanone kuwa Gatatu w’icyumweru gishize ariko bagenzi be baramutabara gusa ku nshuro ya kabiri ntiyabashije kurusimbuka.

Ubuyobozi bwa Makerere bwasabye Leta kugira icyo ikora igahagarika imfu z’abanyeshuli bicwa n’iyi pisine gusa abanyeshuli barashinja iyi kaminuza kwita mu gushaka inyungu mu banyeshuli ntibagire ubushake bwo kububakira ibikorwa remezo byiza.

Uyu munyeshuli w’Umunyarwanda arashyingurwa ahitwa Butaka mu karere ka Rubavu iwabo gusa kaminuza iri kuvugana n’ababyeyi kugira ngo irekure ambulance yayo ndetse ifashe mu ngendo bagenzi be bifuza kumushyingura kuri uyu wa Kabiri nimugoroba.

Abayobozi ba Makerere ndetse na police bamaze gufata umwanzuro wo gufunga iyi pisine ikomeje kwica abanyeshuli ndetse baracyakora iperereza ku gitera abantu kurohama.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

John w’imyaka 23 bamukatiye azira kwimya inka

Muri Kenya urukiko rwo mu mujyi wa Kapenguria ruherereye mu gace ka Pikot...
27 February 2020 Yasuwe: 272 0

Umusore yabengewe n’umukobwa mu ruhame nawe ahita amwihimuraho

Kuri iki cyumweru.tariki ya 23/02/2020, mu gihugu cya Angola umusore yari...
27 February 2020 Yasuwe: 651 0

Umuherwe Bill Gates yatanze akayabo k’amafaranga nk’inkunga yo gukumira...

Umuryango Fondation Bill et Melinda Gates washinzwe n’umuherweBill Gates,...
27 February 2020 Yasuwe: 149 0

Umusaza waruherutse gutangazwa ko ariwe ukuze kurusha abandi ku isi...

Chitetsu Watanabe, umusaza w’imyaka 112 y’amavuko wari uherutse gutangazwa ko...
26 February 2020 Yasuwe: 1163 1

Amafoto y’Ababyeyi bashyira abana mu mashashi kugira ngo babone uko...

Hari ibice bimwe na bimwe ku isi ubuzima buba butoroshye kuko nta mihanda,...
26 February 2020 Yasuwe: 4262 0

Weinstein wahoze ari umuyobozi ukomeye muri Hollywood yahamijwe ibyaha byo...

Harvey Weinstein wahoze akomeye cyane muri Sinema yo muri Leta zunze ubumwe...
25 February 2020 Yasuwe: 608 0