Umusore w’imyaka 19 ukomoka mu Buhindi yakatiwe igihano cy’urupfu azira kwiba umwana w’amezi 7 umukecuru wamureraga,akajya kumusambanyiriza mu kigo cy’amashuli,arangije aramuta.

Sponsored Ad

Uyu musore ibinyamakuru byo mu Buhindi byise Pintu,yagiye iwabo w’uyu mwana w’umukobwa w’amezi 7,asanga asinziriye niko kumwiba umukecuru wamureraga wari ufite ubumuga bwo kutabona,ajya kumusambanyiriza mu kigo cy’amashuri arangije amuta mu gisambo cyari hafi y’iki kigo.

Ababyeyi b’uyu mwana baramushatse bikomeye kubw’amahirwe basanga ari kuririra muri iki gisambu uyu mugizi wa nabi yari yamutayemo,bamujyanye kwa muganga basanga yafashwe ku ngufu.

Hakozwe iperereza rikomeye, rifata uyu Pintu umaze hafi ukwezi kose aburana none byarangiye ahamwe n’icyaha,ubushinjacyaha bumukatira igihano cy’urupfu.

Kubera ko ibyaha byo gufata ku ngufu abana mu Buhindi byabaye byinshi,muri Werurwe uyu mwaka Leta yategetse ko umuntu uzajya afatwa yafashe ku ngufu umukobwa uri munsi y’imyaka 12 ,agomba kuzajya yicwa, none bihereye kuri uyu musore.