Umuyaga ukomeye wahitanye abantu barenga 100,usenya amazu atagira ingano mu Buhindi [AMAFOTO]

Amakuru   Yanditswe na: Dusingizimana Remy 3 May 2018 Yasuwe: 813

Kuri uyu wa Gatatu Taliki ya 02 Gicurasi 2018,Mu ntara 2 z’Ubuhindi habaye inkubi y’umuyaga ikomeye yari ivanze n’ivumbi,yasenye amazu menshi,irimbura ibiti.yangiza amapoto y’amashanyarazi,yica abantu barenga 100 ndetse ukomeretsa abatagira ingano.

Uyu muyaga wateye mu ntara zirimo Uttar Pradesh na Rajasthan wasenye byinshi birimo amazu,n’ibindi bikorwa remezo bitandukanye aho ibikuta byayo byaguye ku bantu n’amatungo benshi bahasiga ubuzima abandi barakomereka bikomeye.

Mu byasenywe n’iyi nkubi y’umuyaga yari ikomeye ni amashanyarazi aho menshi mu mapoto yacaniraga uyu mugi yaguye ateza ingaruka nyinshi mu bawukoresha ndetse benshi bicwa nawo.

Abenshi mu bantu bapfuye bari baryamye mu nzu zabo zirabagwira aho uyu muyaga wakurikiwe n’inkuba nyinshi ndetse n’imirabyo.

Ibiti byaguye byagwiriye abantu ndetse ubuyobozi bw’izi ntara buravuga ko umubare w’abapfuye urakomeza kwiyongera kuko indembe zagejejwe ku bitaro harimo izimerewe nabi cyane ku buryo zitaza kurusimbuka ndetse hari n’abagwiriwe n’ibikuta bagomba kubanza kubikurwaho.

Amashuli menshi yafunze ndetse kubera ibyangijwe n’iyi nkubi y’umuyaga byinshi mu bikorwa bitandukanye biraza guhagarara.

Letay’Ubuhindi yatangaje ko igiye kuba hafi abasizwe iheruheru n’iyi nkubi y’umuyaga ndetse buri muryango wapfushije umuntu urahabwa ibihumbi 400 by’amarupe akoreshwa mu buhinde ni ukuvuga angana n’ibihumbi 6 by’amadolari ya Amerika.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ibyihebe byateze ibisasu bitatu muri stade yaberagamo umukino bihitana...

Ibyihebe byateze ibisasu 3 muri stade ya Cricket yitwa Jalalabad stadium yo...
20 May 2018 Yasuwe: 1864 0

Umunyeshuli yinjiye mu ishuli arasa bagenzi be n’abarimu

Umusore witwa Dimitrios Pagourtzis w’imyaka 17,ukomoka muri Santa Fe,Texas...
19 May 2018 Yasuwe: 1291 0

Cuba:indege yakoze impanuka ihitana abarenga 100

Indege ya Boeing 737 yakoze impanuka ubwo yari imaze guhaguruka ku kibuga...
19 May 2018 Yasuwe: 854 0

Umukobwa yahitanywe n’igipfunyika cy’ikiyobyabwenge cya Cocaine yahishe mu...

Umukobwa w’imyaka 19 witwa Georgia Cassidy ukomoka mu Bwongereza yahitanywe...
18 May 2018 Yasuwe: 2185 0

Umugore wateye umwana we w’imyaka 11 icyuma inshuro 70 yagaragaye mu rukiko...

Umugore witwa Taheerah Ahmad ukomoka muri USA w’imyaka 39 ushinjwa gutera...
18 May 2018 Yasuwe: 2580 0

Umugore w’umusirikare yagurishije umwana we abeshya umugabo ko yapfuye ari...

Umusirikare w’umunyamerika witwa Sgt Steven Garcia, w’imyaka 24 yabeshywe...
18 May 2018 Yasuwe: 1754 1