Umuyobozi w’ ikigo yatawe muri yomi azira kubamba abanyeshuri ku musaraba

Amakuru   Yanditswe na: Nsanzimana Ernest 20 May 2018 Yasuwe: 1401

Abantu batatu barimo umuyobozi w’ikigo cy’amashuri, batawe muri yombi muri Nigeria bazira kuzirika no gukubitira abanyeshuri babiri ku biti bishushe nk’umusaraba babahora gukererwa kugera ku ishuri.

Abo banyeshuri bakubiswe n’umwarimu mu gitondo cyo ku wa Gatatu w’iki cyumweru biga ku kigo cyigenga cyo mu gace ka Ayetoro ko mu Ntara ya Ogun mu gice cy’Amajyaruguru ya Lagos.

Umuvugizi wa Polisi muri Ogun, Abimbola Oyeyemi, yabwiye CNN ko abo bana bamanitswe ku misaraba babonywe n’umupolisi nyuma yo gukubitwa bikomeye akabasanga bahondobereye.

Yagize ati “Bari baziritswe ku biti bikoze nk’umusaraba ubwo umu-ofisiye w’umupolisi yababonaga. Babwiye umuyobozi w’ishuri na nyiri kigo kubazitura barabyanga. Banakubise umwe mu bantu bose bagerageje kubyivangamo.”

Polisi y’Intara ya Ogun yatangaje ko ikomeje gukora iperereza ku muyobozi w’icyo kigo, nyiracyo ndetse n’umwarimu, bakekwaho kugira uruhare muri ibyo bikorwa byo gukubita abana no kubamanika ku musaraba.

Ibihano bibabaza ingingo ni bimwe mu bikoreshwa cyane mu guhwitura abanyeshuri muri Nigeria nubwo hakomeza kugaragara ingaruka mbi zabyo bigira ku bana birimo no kuba bahamugarira.

Nigeria ntibarizwa mu bihugu 60 ku Isi birimo n’u Rwanda, byaciye ihanwa ry’abana muri ubwo buryo mu kubahiriza amasezerano mpuzamahanga y’uburenganzira bw’umwana.

Ishami ry’Umuryango w’Abibumbye ryita ku bana UNICEF, rigaragaza ko abana bagera kuri miliyoni 300 bafite imyaka ibiri ku Isi ari bo bahanishwa gukubitwa bigishwa imyifatire ikwiye bikozwe n’ababarera buri gihe.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Museveni yavuze ko ‘Ivunja rizahandurwa bitabaye ngombwa ko ikirenge...

Perezida wa Uganda yagaragagaje ko ataramenya neza niba ibibazo by’...
16 September 2018 Yasuwe: 5000 1

Umunyeshuli w’imyaka 26 yishwe n’igifi cya Shark ubwo yari ku mucanga wa Cape...

Umunyeshuli witwa Arthur Medici ukomoka muri Brazil yahuye n’uruva gusenya...
16 September 2018 Yasuwe: 1502 0

Umugabo wari umaze imyaka 24 yarabuze urubyaro yaguye igihumure akimara...

Umugabo ukomoka muri Uganda yaguye igihumure akimara kumva ko umugore we...
15 September 2018 Yasuwe: 3000 0

Abantu 6 bahitanywe n’uburozi bahawe na pasiteri wabo [AMAFOTO]

Umupasiteri witwa Ruffus Phala ukomoka muri Afrika y’Epfo ari guhigwa...
15 September 2018 Yasuwe: 2968 1

Umwana yicishije mukase inkota nyuma yo kureba filimi y’indwanyi z’aba...

Umwana witwa Rueben Brathwaite w’imyaka 17 ukomoka muri Wales yakoze...
15 September 2018 Yasuwe: 1896 0

Umubyeyi yabyaye abana 5 bavukira igihe kibura ibyumweru 10

Umugore wo muri Afurika y’Epfo ari mu byishimo by’ivuka ry’impinja eshanu mu...
14 September 2018 Yasuwe: 1210 0