Urukiko rwagize umwere umuherwe Moise Katumbi wari umaze imyaka mu buhungiro

Amakuru   Yanditswe na: Dusingizimana Remy 20 April 2019 Yasuwe: 1696

Urukiko rwo muri Repubulika Iharanira Demukarasi ya Congo, rwagize umwere umuherwe Moise Katumbi, rukuraho igifungo cy’imyaka itatu yari yarakatiwe mu 2016.

Ku munsi w’ejo taliki ya 19 Mata 2019,nibwo iri tangazo ryagiye hanze ko Katumbi yagizwe umwere ndetse agomba kugaruka mu gihugu cye atikandagira.

Moise Katumbi wahoze ari umuyobozi w’intara ya Katanga,yashinjwe ibyaha bitandukanye birimo kunyereza umutungo wa leta awuha abacanshuro be b’Abarusiya nyuma yo kugaragaza ko ashaka guhangana n’uwari perezida wa RDC,Joseph Kabila.

Umunyamategeko wa Katumbi, Me Jean Joseph Mukendi yagize ati:
“Ndabahamiriza ko urukiko rukuru rwavanyeho iki gihano cy’urukiko rwa Kamalondo rwakatiye Katumbi imyaka itatu y’igifungo ku wa 17 Mata.”

Me Mukendi aravuga ko uku gukurirwaho ibirego n’igifungo bigira Katumbi umuntu ubohotse ku buryo yajya hanze y’igihugu cyangwa akakigarukamo nta kibazo kihabaye.Guhera mu mwaka wa 2016,Moise Katumbi yahungiye mu Bubiligi aho agituye kugeza ubu.

Moise Katumbi wakatiwe iki gifungo ku wa 22 Kamena 2016, ashinjwa ibyaha bitandukanye birimo gukoresha nabi umutungo wa Leta,guha akazi abacanshuro b’abasirikare kugira ngo bagirire nabi ubutegetsi.Katumbi agiye kugaruka muri Congo ndetse yiteguye gutanga ibisobanuro kuri iki cyaha cyo guha akazi abacanshuro nkuko Mukendi yabibwiye Reuters.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Tanzania: Biravugwa ko Perezida Magufuli arembye cyane

Amakuru ari gucaracara mu binyamakuru no ku mbuga nkoranyambaga muri...
20 October 2019 Yasuwe: 3013 0

RDC: Umukuru w’inyeshyamba yiciwe mu mirwano yari ahanganyemo n’undi...

Mu ijoro ryo kuwa Gatanu taliki ya 18 Ukwakira 2019,umuyobozi w’inyeshyamba...
20 October 2019 Yasuwe: 2938 0

Perezida Erdogan yiyemeje kumena imitwe abarwanyi b’aba-Kurdes

Perezida Recep Tayyip Erdogan wa Turukiya avuga ko Turukiya "izamena...
20 October 2019 Yasuwe: 1171 0

U Rwanda rwaje ku myanya y’imbere ku rutonde rw’ahantu habereye...

Ikinyamakuru Forbes cyashyize umujyi wa Kigali ku mwanya wa Gatanu mu hantu...
19 October 2019 Yasuwe: 1450 0

Umugore yakubise umwana we mu buryo buteye agahinda arangije aranamujugunya...

Umugore ukomoka muri Ukraine yatawe muri yombi nyuma yuko akubise umwana we...
19 October 2019 Yasuwe: 2425 0

Urukingo rwa Ebola rwemejwe n’ikigo cy’ubugenzuzi bw’imiti I Burayi

Urukingo rukiri mu igeragezwa kuri ubu ruri gukoreshwa mu kurinda ko Ebola...
19 October 2019 Yasuwe: 424 0