skol
Kigali
startimes

Abanya Tanzania babyukiye mu matora ya Perezida w’igihugu

Amakuru   Yanditswe na: Dusingizimana Remy 28 October 2020 Yasuwe: 824

Abaturage bagera kuri miliyoni 29 uyu munsi ku wa gatatu babyukiye mu matora y’umukuru w’igihugu, abakandida 15 barahatana, babiri muri bo ni bo bakuruye imbaga nini mu kwiyamamaza.


Mu itangazo rihuriweho, EAC, AU na Sylvestre Ntibantunganya wahoze ari Perezida w’u Burundi bashimye ko kwiyamamaza byaranzwe n’amahoro. Ntibantunganya akuriye indorerezi za EAC muri aya matora.

Leta ya Tanzania yatangaje ko ibikorwa byo gufunga imbuga nkoranyambaga zimwe na zimwe bigamije "imigendekere myiza y’amatora."

Itangazo rihuriweho, ryatangajwe na EAC, risaba abategetsi ba Tanzania "kubahiriza amategeko n’ubwubahane" kuri uyu munsi w’amatora.

Risaba kandi abaturage ba Tanzania "gutora mu mahoro n’umutekano".

Perezida John Magufuli w’ishyaka CCM riri ku butegetsi kuva ryashingwa mu mwaka wa 1977, abonwa nk’ufite amahirwe menshi yo gutsinda aya matora, arahatanira manda ya kabiri.

Ahanganye cyane na Tundu Lissu w’ishyaka ritavuga rumwe n’ubutegetsi CHADEMA, nawe ufite amahirwe mu bantu bagaragaza ko bakeneye impinduka mu gihugu.

Tanzania ni igihugu cyaranzwe no guhererekanya ubutegetsi mu mahoro kurusha ibindi muri aka karere k’Africa y’iburasirazuba no hagati.

Ibyavuye mu matora biteganyijwe gutangazwa mu gihe cy’icyumweru kimwe nk’uko umunyamakuru wa BBC i Dar es Salaam abivuga.

Bwana Magufuli w’imyaka 60 y’amavuko uhabwa amahirwe menshi yo kongera gutorwa ari ku butegetsi kuva mu 2015.

CCM yamutoreye kwiyamamariza manda ya kabiri y’imyaka itanu - ari nayo ya nyuma yemewe n’itegekonshinga rya Tanzania.

Mu kwiyamamaza yibanze ku byo yagezeho mu gucukura amabuye y’agaciro, ibikorwa remezo, uburezi ku buntu no kurwanya ruswa.

Magufuli yatowe bwa mbere mu nteko ishingamategeko mu 1995 aza kumenyakana cyane nka minisitiri w’ibikorwaremezo utihanganira ibidakwiye ari naho yakuye akazina ka ’bulldozer’.

Perezida Magufuli ashimagizwa ku kuyobora ibikorwa byinshi by’iterambere, ariko abamunenga barimo n’imiryango iharanira uburenganzira bwa muntu bavuga ko yakoresheje umwanya we mu gutoteza abatavuga rumwe na we no guhonyora ubwisanzure bw’itangazamakuru.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine yahagaritse kwiyamamaza kubera akaga yahuye nako

Umukandida ku mwanya w’umukuru w’igihugu muri Uganda, Robert Kyagulanyi, uzwi...
2 December 2020 Yasuwe: 1568 0

Uzwiho kuba ari inshuti ya Trump yemeje ko nta buriganya bwabaye mu matora...

Umucamanza mukuru w’Amerika William Barr avuga ko ibiro by’ubutabera akuriye...
2 December 2020 Yasuwe: 724 0

Uganda: Bamwe mu bacunga Bobi Wine bakomerekeye mu mvururu zatewe na...

Abantu batari bake bakomerekeye mu karere ka Kayunga, hafi y’umurwa mukuru...
1 December 2020 Yasuwe: 1020 0

Iran yemeje ko umuhanga wayo mu gukora ibitwaro bya Nikleyeri ’yishwe...

Iran yemeza ko Israel ndetse n’umutwe utavuga rumwe na leta ukorera mu...
1 December 2020 Yasuwe: 3454 0

Ambasaderi wa Uganda muri Kenya ’Phibby Otaala’ yanze ko bamusimbura

Ambasaderi wa Uganda muri Kenya, Phibby Otaala, yatangaje ko...
30 November 2020 Yasuwe: 1472 0

Burundi: Umunsi Nkurunziza yatabarukiyeho wagizwe umunsi mukuru mu...

Leta y’u Burundi yatangaje ko tariki ya 08 Kamena nyakwigendera Pierre...
28 November 2020 Yasuwe: 1956 0