Kigali

Abarusiya ntibemera amakuru amaze imyaka hafi 50 avuga ko Abanyamerika bakandagiye ku kwezi

Amakuru   Yanditswe na: Nsanzimana Ernest 30 July 2018 Yasuwe: 809

Abarenga kimwe cya kabiri cy’ abaturage b’ Uburusiya ntibemeranya n’ amakuru avuga ko Abanyamerika b’ inzobere mu bijyanye n’ ibyogajuru bageze ku kwezi mu mwaka wa 1969.

Ibi byagaragajwe n’ inyigo yakozwe n’ ikigo cy’ ubushakashatsi kitwa ‘Center for the Study of Public Opinion (VTsIOM).

Aba barusiya bavuga ko Leta zunze ubumwe za Amerika yakoze ifoto ibeshya ko abakoresha ibyogajuru bya NASA bageze ku kwezi kandi atarigeze agerayo.
Ibi byemezwa n’ Abarusiya 57% nk’ uko byatangajwe n’ ibiro ntaramakuru ‘RBK’

Muri aba barusiya bahakana amakuru avuga ko Leta Zunze ubumwe za Amerika yageze ku kwezi 65% barangije amashuri yisumbuye. 24% nibo gusa bemera ko Abanyamerika bageze ku kwezi nubwo hashize imyaka 49 bivugwa ndetse bikaba byigishwa mu mashuri binanditse mu bitabo by’ abashakashatsi ko umunyamerika Neil Armstrong yakandagiye ku kwezi mu mwaka w’ 1969.

Abahakana ko Abanyamerika bageze ku kwezi bibaza impamvu idarapo rya Amerika Neil Armstrong yashinze ku kwezi rigaragara mu mafoto rihuhwa n’ umuyaga kandi ku kwezi nta mwuka ubayo. Aba bavuga ko ariya mafoto yafatiwe mu butayu bwo muri Amerika atari ku kwezi yafotorewe.
Abarusiya 45% bizera ko ibivejuru bibaho, naho 42% bizera ko ibivejuru bitabaho ndetse bahakana amakuru avuga ko bijya biza ku Isi.

Abarusiya 93% bemera ko isi ifite ishusho y’ umwiburungushure ‘spherical shape’. 3% bo bavuga ko Isi irambuye (plat). 4% mu babajijwe basubije ko iki kibazo gikomeye.

Iyi nyigo yakozwe tariki 29 na 30 Gicurasi 2018. Ababajijwe bose hamwe ni 2000, kwibeshya kwaba kwarabayemo ngo ntikurenze 2,2%.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Raila Odinga , Afurika yunze ubumwe yamuhaye akazi

Umunyapolitiki utavugarumwe n’ ubutegetsi muri Kenya Raila Odinga yagizwe...
20 October 2018 Yasuwe: 1397 0

Minisitiri w’ Intebe wa Ethiopia yashyizeho guverinoma agabanya abagore n’...

Minisitiri w’ ingabo w’ umugore Minisitiri w’Intebe wa Ethiopia, Abiy Ahmed...
17 October 2018 Yasuwe: 688 0

Perezida Trump yohereje umuyobozi muri Arabia Soudite ngo akurikirane...

Mike Pompeo, umunyamabanga wa leta muri Leta Zunze Ubumwe z’Amerika, yageze...
16 October 2018 Yasuwe: 383 0

Museveni agiye gutaha ikiraro kirekire cyubatswe hejuru ya Nili

Perezida wa Uganda Yoweli Kaguta Museveni kuri uyu wa 17 Ukwakira 2018...
16 October 2018 Yasuwe: 3510 1

Ubwongereza, Ubudage n’Ubufaransa nabyo bisaba iperereza ku mu nyamakuru...

Ubwongereza, Ubudage n’Ubufaransa byasabye ko hakorwa iperereza "ryo...
15 October 2018 Yasuwe: 709 0

Museveni yicumbye akabando ajya gusaba imbabazi abo inkangu yatwaye abo...

Perezida wa Uganda, Yoweli Museveni yasuye abaturage basizwe iheruheru n’...
15 October 2018 Yasuwe: 2936 0