Kigali

Afurika y’ Epfo: Ku nshuro ya 6 Perezida Zuma yasimbutse kweguzwa n’ abadepite

Amakuru   Yanditswe na: Nsanzimana Ernest 8 August 2017 Yasuwe: 285

Perezida wa Afurika y’ Epfo Jacob Zuma ku nshuro ya 6 yongeye gusimbuka kweguzwa n’ abadepite nubwo akekwaho ibyaha bya ruswa no kunyereza umutungo w’ igihugu.

Kuri uyu wa Kabili tariki 8 Kanama abadepite b’ iki gihugu bongeye gutorera ingingo yo kweguza Perezida Zuma, itora rikorwa mu ibanga nabwo abadepite bashyigiye ko Perezida Zuma akomeza kuyobora Afurika y’ Epfo bongera kuruta abashaka ko yeguzwa.

Associated Press yatangaje ko Zuma yaherukaga guhonoka umugambi nk’uyu izindi nshuro esheshatu, uyu munsi wo ukaba wari uwa mbere icyemezo cyari kigiye gufatwa mu itora ry’ibanga, byemejwe na Perezida w’Inteko Ishinga Amategeko, Baleka Mbete.

Abatavuga rumwe n’ubutegetsi bari biteguye ko abagize ishyaka African National Congress rya Zuma na bo baza gutora agakurwaho icyizere agahita yeguzwa, nyamara icyatunguranye ni uko ibyavuye mu itora bigitangazwa, abagize ANC bahise bavuza urwamo rw’ibyishimo ndetse abari hanze batangira kubyina.

Mu itangazo iri shyaka ryahise risohora, ryagize riti “Turashimangira ko tutazigera dushyigikira cyangwa ngo dutore umwanzuro ushobora gushegesha igihugu cyacu.”

Umuyobozi w’uruhande rutavuga rumwe n’ubutegetsi mu ishyaka Democratic Alliance, Mmusi Maimane, mbere y’itora yari yasabye abadepite kwirinda gusubiza igihugu inyuma.

ANC ni yo ifite imyanya 249 mu badepite 400 bagize Inteko Ishinga Amategeko ya Afurika y’Epfo, ariko imyanya itanu ya ANC ntirimo abantu. Itora ryo kweguza Zuma ryari rikeneye amajwi 201 ngo rishoboke, ariko rirananirana.

Muri Afurika y’Epfo hamaze igihe hari imyigaragambyo yamagana Zuma wagiye ku butegetsi mu 2009 abandi bakigaragambya bamushyigikiye, mu gihe manda ye igomba kurangira mu 2019 ubwo hazaba andi matora y’abadepite, nyuma na bo bagatora Umukuru w’igihugu nk’uko bikorwa muri icyo gihugu.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nkurunziza yatanze igisobanuro cy’Imbonerakure benshi baratungurwa

Perezida Pierre Nkurunziza w’Igihugu cy’U Burundi, yatunguye benshi maze...
20 November 2017 Yasuwe: 2191 1

Perezida Mugabe yanze kuva ku butegetsi

Perezida Mugabe yanze kuva ku butegetsi Mu ijambo yatangambukije kuri...
20 November 2017 Yasuwe: 989 0

Zimbabwe: Perezida Mugabe yegujwe ku buyobozi bwa ZANU-PF

Ubuyobozi bw’Ishyaka riri ku butegetsi muri Zimbabwe, ZANU-PF, buravuga ko...
19 November 2017 Yasuwe: 1416 0

Abantu ibihumbi n’ibihumbi bari mu munezero wo gusezerera Mugabe

Abantu bari mu munezero ni bo bagaragara mu murwa mukuru wa Zimbabwe, i...
18 November 2017 Yasuwe: 1762 0

Zimbabwe: Imyigaragambyo yo gusaba Mugabe kwegura yatangiye

None ku wa Gatandatu tariki 18 Ugushyingo 2017, mu murwa mukuru wa Zimbabwe...
18 November 2017 Yasuwe: 737 0

Besigye yatunguye benshi ashyira ‘Giriyaje z’inzu’ ku modoka ye-AMAFOTO

Col Dr. Kizza Besigye wahoze ari umuganga wihariye wa Perezida Museveni...
17 November 2017 Yasuwe: 3598 1