Perezida wa Angola Jose Eduardo dos Santos umaze imyaka 37 ku butegetsi, ari nawe wa kabiri mu bakuru b’ ibihugu batinze ku butegetsi muri Afurika yatangaje ko atazongera kwiyamamaza mu matora ataha y’umukuru w’ igihugu.
Ibi Dos Santos yabitangarije mu nama y’ ishyaka MPLA riri ku butegetsi kuri uyu wa gatanu tariki 2 Ugushyingo 2016 yagize ati “Mfashe umwanzuro wo kuzibukira, no guhagarika ubuzima bwa politiki muri 2018”
Abakurikiranira hafi ibya politiki bavuze iki ari icyemezo cyiza kuko si (...)

Sponsored Ad

Perezida wa Angola Jose Eduardo dos Santos umaze imyaka 37 ku butegetsi, ari nawe wa kabiri mu bakuru b’ ibihugu batinze ku butegetsi muri Afurika yatangaje ko atazongera kwiyamamaza mu matora ataha y’umukuru w’ igihugu.

Ibi Dos Santos yabitangarije mu nama y’ ishyaka MPLA riri ku butegetsi kuri uyu wa gatanu tariki 2 Ugushyingo 2016 yagize ati “Mfashe umwanzuro wo kuzibukira, no guhagarika ubuzima bwa politiki muri 2018”

Abakurikiranira hafi ibya politiki bavuze iki ari icyemezo cyiza kuko si abakuru b’ igihugu benshi muri Afurika bashobora kurekura ubutegetsi kubushake bwabo. Ngo cyagaragariza abandi ko kurekura ubutegetsi ku bushake bishoboka.

Gusa si ubwa mbere Perezida Dos Santos avuze ko atazongera kwiyamamaza kuko muri 2001 yatangaje ko atazongera kwiyamamariza kuyobora iki gihugu nyamara byagera muri 2008 ibyo yavuze bisa naho bimaze kwibagirana akongera akiyamamaza.

Perezida Jose Eduardo Dos Santo suwa kabiri utinze kubutegetsi ngo ntazongera kwiyamamaza

Perezida Dos Santos atangaje ibi mu gihe igihugu cye kiri mu bihe bitoroshye by’ ubukungu. Ibi bihe byatewe n’ uko ibiciro by’ ibikomoka kuri Peteroli byaguye.

Umunyangola w’ impuguke mu bya politiki Justin Pearce yabwiye BBC ko Dos Santos atangaje ibi mu gihe igihugu cye kiri mu bihe bitoroshye kugira ngo, azakoreshe igihe asigaranye yereka Abanya Angola ko ntawundi muyobozi ushobora kubafasha guhangana n’ ibihe barimo uretse we.

Ishyaka rikomeye mu mashyaka atavuga rumwe n’ ubutegetsi bwa Dos Santos UNITA ntabwo ryemeye ko ibyo Dos Santos yatangaje aribyo ryagize riti “Ntabwo ntwizeye ko ibyo yavuze aribyo, si ubwa mbere abivuze gusa reka dutegereze turebe”

Radio y’ igihugu yatangaje ko ishyaka riri kubutegetsi ryahisemo , Minisitiri w’ ingabo Joao Lourenço, nk’ uzarihagararira mu matora ataha y’ umukuru w’ igihugu.

Perezida Dos Santos, ubu afite imyaka 73 y’amavuko, ayoboye Angola kuva mu 1979. Amaze imyaka 37 ku butegetsi ni uwa kabiri mu bakuru b’ ibihugu batinze k’ ubutegetsi muri Afurika nyuma ya Teodoro Obiang Nguema Mbasogo wa Guine Equatorial nawe umaze imyaka 37 ariko akarusha Dos Santos amezi.