Umudepite Agathon RWASA akaba n’umukuru w’Ishyaka CNL yaburiwe na Minisiteri w’Ubutegetsi bw’igihugu,Martin Ninteretse, kuzirengera inkurikizi zose zizaterwa n’uko ishyaka rye CNL ryiyunze n’imitwe ya polilitike iheruka gutangaza ko igiye guharanira ishyirwa mu bikorwa ry’amasezerano ya Arusha.

Sponsored Ad

Mu rwandiko Martin Ninteretse yandikiye umuyobozi w’Ishyaka CNL, kuri uyu wa 17 Mutarama 2024, yamumenyesheje ko iryo huriro bagiyemo rigizwe n’imitwe y’iterabwoba.

Mu ntangiriro z’uku kwezi kwa Mutarama,ihuriro ry’imitwe ya politike rigizwe n’amashyaka arimo ishyaka CNL, abanyepolitike ku giti cyabo n’amashyirahamwe atandukanye bandikiye urwandiko abakuru b’ibihugu by’akarere, Perezida Joe Biden wa Leta zunze ubumwe za Amerika, Perezida wa Afrika y’epfo, Cyrille Ramaphosa, Umunyamabanga wa EAC, Umukuru w’ubumwe bw’uburayi aho basabye ko byihutirwa ko amahanga yakwita ku ishyirwa mu bikorwa ry’amasezerano ya Arusha.

Aya masezerano iri huriro rivuga ko yishwe kuva mu 2005,nyuma y’aho ishyaka CNDD-FDD rigeze ku butegetsi,cyane mu 2015 aho Nyakwigendera Perezida Nkurunziza yiyamamarije manda ya gatatu,ibintu iri huriro rivuga ko byari bitandukanye n’amategeko.