Kigali

Cambodge irashinja Amerika gushaka guhirika ubutegetsi bwayo

Amakuru   Yanditswe na: Iyamuremye Janvier 14 September 2017 Yasuwe: 331

Ambasaderi wa Leta zunze ubumwe z’Amerika mu gihugu cya Cambodge yamaganye amagambo aherutse kuvugwa na Minisitiri w’Intebe Hun Sen ashinja Amerika gushaka guhirika ubutegetsi buriho muri icyo gihugu.

Ambasaderi William Heidt yavuze ko ibyavuzwe na ministiri w’intebe ari ibinyoma bigamije kuyobya kandi bidafite ishingiro.

Sen yashinje Amerika gushaka guhirika ubutegetsi bwe ubwo leta yari imaze guta muri yombi Kem Sokha utavuga rumwe na leta imushinja kugambanira igihugu no gucura umugambi wo guhirika ubutegetsi abifashijwemo na Amerika.

Hun Sen wigeze kuba umuyobozi ukomeye mu butegetsi bw’aba Khmer Rouge amaze imyaka irenga 30 ategeka Cambodge. Muri iyi minsi hitegurwa amatora azaba umwaka utaha, Sen akomeje kwibasira abatavuga rumwe na leta n’itangazamakuru.

Mu cyumweru gishize leta yafunze ikinyamakuru The Cambodian Daily cyandikwa mu cyongereza. Amaradiyo menshi akunze kumvikanaho abatavugarumwe na leta, arimo n’Ijwi ry’Amerika yamaze gufungwa n’ubutegetsi.

Ubuyobozi bw’Ijwi ry’Amerika bwatangaje ko bubaye buhagaritse ibikorwa byabwo mu murwa mukuru Phnom Penh nyuma y’iterabwoba abakozi baryo baterwaga na guverinoma.

John Lansing ukuriye ikigo cya Leta zunze ubumwe z’Amerika gishinzwe ubuyobozi bw’Ijwi ry’Amerika yamaganye iyo myitwarire ya guverinoma ya Cambodge abasaba kureka itangazamakuru rigakora mu bwisanzure nta nkomyi.

Minisitiri wa mbere wa Cambodge Hun Sen.

Ijwi ry’Amerika

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uganda : 85 % ntibashaka ko Museveni azongera kwiyamamaza

Ubushakashatsi bwakozwe n’ imiryango itari iya Leta ikorera muri Uganda...
10 December 2017 Yasuwe: 652 0

“U Rwanda rubona urubyiruko rwarwo nka peteroli na Diyama” Kabarebe

Miisitiri w’ ingabo Gen. James Kabarebe yaganirije urubyiruko urubyiruko...
10 December 2017 Yasuwe: 963 0

Kongera kwiyamamaza kwa Nkurunziza, YEGO na OYA byashyizwe imbere y’...

Minisiteri y’umutekano mu gihugu cy’u Burundi yatangaje ko hagiye gutangizwa...
9 December 2017 Yasuwe: 1349 0

Palestine, n’iyonka ntiyasigaye mu kwamagana icyemezo cya Trump-AMAFOTO

Umukuru w’umutwe w’abanyapalesitina ugendera ku matwara akaze y’idini akaze...
7 December 2017 Yasuwe: 927 1

Putin yiteguye kongera kwiyamamaza, imyaka 18 mu buyobozi

Perezida Vladimir Vladimirovich Putin (Vladimir Putin) w’ imyaka 62...
6 December 2017 Yasuwe: 546 0

Ni iki kihishe inyuma yo kuba Perezida Macron yaranze gukora mu ntoki za...

Mu minsi ishize Perezida w’ u Bufaransa Emmanuel Macron yatembereye mu...
6 December 2017 Yasuwe: 7934 2