Kuri uyu wa Gatanu tariki 23 Ugushyingo 2018, umudepite wahoze ari umuyobozi w’ inyeshyamba yagejejwe imbere y’ urukiko Mpuzamahanga Mpanabyaha ICC.
Alfred Yekatom bahimba Rambo tariki 29 Ukwakira 2018 nibwo yarashe mu nteko ishinga amategeko ya Repubulika ya Centre Africa.
Yahise atabwa muri yombi ni inzego z’ umutekano z’ iki gihugu afungwa n’ ingabo zirinda umutekano wa Perezida.
We n’ umwunganira babwiye urukiko ko yafunzwe binyuranyije n’ amategeko ndetse akanakorerwa iyicarubozo.
Tariki (...)

Sponsored Ad

Kuri uyu wa Gatanu tariki 23 Ugushyingo 2018, umudepite wahoze ari umuyobozi w’ inyeshyamba yagejejwe imbere y’ urukiko Mpuzamahanga Mpanabyaha ICC.

Alfred Yekatom bahimba Rambo tariki 29 Ukwakira 2018 nibwo yarashe mu nteko ishinga amategeko ya Repubulika ya Centre Africa.

Yahise atabwa muri yombi ni inzego z’ umutekano z’ iki gihugu afungwa n’ ingabo zirinda umutekano wa Perezida.

We n’ umwunganira babwiye urukiko ko yafunzwe binyuranyije n’ amategeko ndetse akanakorerwa iyicarubozo.

Tariki 11 Ugushyingo nibwo ubushinjacyaha bwa ICC bwashyizeho impapuro zimuta muri yombi.

Depite Rambo ashinjwa ibyaha birimo iby’ intambara, ibyibasiye inyoko muntu no gukoresha abana mu gisirikare.

Nk’ uko byatangajwe na Africa news ibi byaha aregwa yaba yarabikoze muri 2013 na 2014 ubwo yari ayobowe umutwe w’ inyeshyamba 3000 ziganjemo abakiristu.

Uyu mugabo w’ imyaka 43 y’ amavuko niwe wa mbere ugejejwe imbere ya ICC kuva uru urukiko rwatangira iperereza muri CentreAfrique muri 2014.