Ishyaka "Ensemble pour la République" rya Moïse Katumbi utavuga rumwe n’ubutegetsi bwa Perezida Tshisekedi ntirishyigikiye igenda rihutiweho rya Monusco riraje ishinga ubutegetsi bwa Repubulika ya Demokarasi ya Congo.

Sponsored Ad

Kuri uyu wa 2 ,tariki ya 5 Nzeri 2023, umunyamabanga mukuru wiri shyaka , Dieudonné Bolengetenge yabwiye itangazamakuru ko Guverinoma idakwiye kwitwaza imyigaragambyo yamaganaga Monusco ,kuwa 30 Kanama 2023 ngo yemeze kwirukana byihuse Monusco.

Ni imyigaragambyo yasabaga ko Ingabo za MONUSCO zava mu gihugu ,yaniciwemo abaturage bagera kuri 56, nk’uko imibare ya leta yabigaragaje.
Indi nkuru bijyanye

Dieudonné Bolengetenge yerekanye ko ikibazo cya Repubulika ya Demokarasi ya Congo atari ubu butumwa bwa Loni mbere yo gushimangira ko "ikibazo kiri ahandi" nk’uko iyi nkuru ya mediacongo.net ibivuga.

Ku bw’ishyaka Ensemble pour la République , basanga Monusco yaraje gufasha Repubulika ya Demokarasi ya Congo mu buryo butandukanye , kuko iyo butabaho, ibibazo byinshi byari gukomeza gukemurwa mu kajagari muri congo.

Ishyaka rya Moïse Katumbi rirasaba guverinoma guhumuriza abaturage ibagaragariza ko ifite mu biganza umutekano w’igihugu.