Kigali

Inama ya Abaperezida b’ Umuryango wa Afurika y’ Iburasirazuba yasubitswe bitunguranye

Amakuru   Yanditswe na: Nsanzimana Ernest 30 November 2018 Yasuwe: 2488

Kuri uyu wa Gatanu nibwo hari hateganyijwe Inama y’abakuru b’ibihugu bigize Umuryango wa Afurika y’Iburasirazuba (EAC) yagombaga kubera Arusha muri Tanzania, ntiyabaye ahubwo yimuriwe mu mpera z’uyu mwaka kuko Perezida w’u Burundi yanze kwitabira, ntanohereze intumwa.

ibiro bya Perezida John Pombe Magufuri rivuga ko abayobozi b’ibihugu bitatu; Kenya, Tanzania na Uganda bari bahageze, ndetse n’uhagarariye umuyobozi w’u Rwanda nawe ahari.

Ariko ko iyi nama yasubitswe kuko uhagarariye u Burundi atayijemo kandi imyanzuro y’Inama y’Abakuru b’ibihugu bigize uyu muryango ikaba yemerwa gusa ari uko buri gihugu gihagarariwe.

Perezida Yoweri Muzeveni wa Uganda ari nawe muyobozi w’uyu muryango ubu, yahise atangaza ko iyi nama, iba buri mwaka, n’uyu igomba kuba ibihugu byose bihagarariwe, bityo ko uyu munsi batari kunyuranya n’amategeko agenga uyu muryango.

Mu ibaruwa yo kuwa 22 Ugushyingo, Perezida Pierre Nkurunziza yamenyesheje Perezida Museveni ko ibaruwa ibamenyesha iyi nama yageze muri Ambasade y’u Burundi i Kampala tariki 19 Ugushyingo.

Ko iyi nama bayimenyeshejwe bitinze cyane kuko amategeko ateganya ko nibura bayimenyeshwa mbere y’ibyumweru bine(4) bityo u Burundi butazabasha kuyitabira. Ndetse yohereje Minisitiri w’Ububanyi n’amahanga we kuganira na Museveni kuri iki kibazo.

Museveni ariko yasubije Nkurunziza tariki 25 Ugushyingo ko iyi nama u Burundi bwari buyizi kuko ibyayo byaganiriweho mu zindi nama zabanje z’abandi bayobozi. Bityo ko nta mpamvu u Burundi butayitabira. Yabaye nk’ushimangira ko iyo nama izaba nubwo Nkurunziza atayitabira.

Perezida Nkurunziza ntabwo arasohoka mu gihugu cye kuva yaburizamo ‘Coup d’Etat’ yo muri Gicurasi 2015 yari igiye kumukorerwa.

Inama y’uyu munsi yari yitabiriwe n’abandi bakuru b’ibihugu, ndetse na Moussa Faki Mahamat Umuyobozi wa Komisiyo y’Umuryango w’Ubumwe bwa Africa ejo yari yageze i Arusha aje muri iyi nama.

Perezida Kenyatta nawe yahageze ejo kuwa kane.

Perezida Paul Kagame we yohereje intumwa kuko ari muri Argentine mu nama ya G20, yari ahagarariwe na Amb Richard Sezibera Minisitiri w’Ububanyi n’amahanga na we wari wageze Arusha.

Muri iyi nama y’abakuru b’ibihugu niho u Rwanda rwagombaga gufatira ubuyobozi (busimburanwaho) bw’uyu muryango w’ibihugu. Iyi nama yari kuba uyu munsi yimuriwe tariki 27 Ukuboza 2018.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

‘Mu Bufaransa essence ikwiye kujya itangirwa ubuntu kuko yibwa muri Afurika’...

Mu gihe mu minsi ishize Perezida w’ u Bufaransa yari yasabye ko imisoro ya...
9 December 2018 Yasuwe: 2580 1

Jeannette Kagame yongeye guha abana b’ u Rwanda ’NOHELI’

Umufasha wa Perezida w’ u Rwanda yakiriye abana baturutse mu turere twose...
9 December 2018 Yasuwe: 1097 1

Perezida Trump yakinnye ku mu byimba Perezida Macron kubera imyigarambyo ya...

Perezida wa Leta zunze Ubumwe za Amerika Donald Trump aherutse gutera...
9 December 2018 Yasuwe: 1705 0

Uwahoze ari umunyamakuru yagizwe ambasaderi wa US muri Loni

Perezida Donald Trump wa Leta Zunze Ubumwe z’Amerika yagennye Heather...
8 December 2018 Yasuwe: 668 0

Perezida Lungu yakomorewe kwiyamamariza manda 3

Urukiko rw’itegekonshinga rwa Zambia ku wa gatanu rwemeje ko Perezida Edgar...
8 December 2018 Yasuwe: 320 0

Perezida Nkurunziza yasabye inama ya EAC yo kwiga ku mubano w’ u Rwanda n’ u...

Perezida w’ u Burundi Pierre Nkurunziza yandikiye umuhuza w’Abarundi Kaguta...
7 December 2018 Yasuwe: 2207 1