Umunyapolitike utavuga rumwe n’ubutegetsi bwa Kenya, Miguna Miguna yashinjijwe guhemukira igihugu binyuze mu ruhare yagize mu birori by’irahira rya Raila Odinga muri Mutarama,2018.
Miguna yafashe indege mu ijoro ryo kuri uyu wa kabiri tariki ya 06 Gashyantare,2018 ava i Nairobi agana muri Canada aho asanzwe atuye anafitiye ubwenegihugu. Umunyamategeko we wamufashaga mu rukiko; yatangaje ko Miguna yahatiwe kujya mu ndege ya kompanyi ya KLM aho yahagarutse i Nairobi ahagana saa yine z’ijoro (...)

Sponsored Ad

Umunyapolitike utavuga rumwe n’ubutegetsi bwa Kenya, Miguna Miguna yashinjijwe guhemukira igihugu binyuze mu ruhare yagize mu birori by’irahira rya Raila Odinga muri Mutarama,2018.

Miguna yafashe indege mu ijoro ryo kuri uyu wa kabiri tariki ya 06 Gashyantare,2018 ava i Nairobi agana muri Canada aho asanzwe atuye anafitiye ubwenegihugu.

Umunyamategeko we wamufashaga mu rukiko; yatangaje ko Miguna yahatiwe kujya mu ndege ya kompanyi ya KLM aho yahagarutse i Nairobi ahagana saa yine z’ijoro
Bwana Miguna yashinjwe n’urukiko kuba "yari muri ibyo birori hamwe no kuba yarahagarariye uwo muhango mu irahira rya Odinga’.Ashinjwa kandi guhemuka no kujya ahateraniye abantu abarwanya na Leta ibintu bitemewe n’amategeko.

Yagejejwe imbere y’urukiko rw’intara ya Kajiado ku biro metero 80 mu majyepfo y’umujyi wa Nairobi, aho byari byitezwe ko yitaba urukiko."N’ubundi Leta yongeye guhonyora uburenganzira bwa Bwana Miguna mu kuba yatwawe mu rukiko uri inyuma ya Nairobi, umuryango we hamwe n’abamwunganira mu rubanza batagishijwe inama," Niko umwunganira mu rubanza Isaac Okero yavuze.

Miguna wambaye amataratara ubwo yari mu irahira rya Odinga

Bwana Miguna yari yemerewe n’urukiko rwa Nairobi kwigomboza atanze amadolari 500 ku munsi wa Gatanu.

Ku itariki 30 z’ukwezi kwa mbere, Bwana Miguna yagize uruhare rukomeye mu irahira rya Bwana Odinga nka prezida w’abanyagihugu, ku kibuga Uhuru Park cy’i Nairobi.

Nyuma y’iminsi ibiri, tariki 02 Gashyantare,2018 yafatiwe iwe n’abapolisi.

Hari n’abandi banyepolitike batavuga rumwe n’ubutegetsi nabo bafunzwe.

Bwana Odinga n’abamushigikiye ntibemera ibyavuye mu matora ya mbere yo mu mwaka ushize, Prezida Uhuru Kenyatta akaba yatsinze mu ya kabiri Odinga atitabye, mu kwezi kw’icumi.

Ntibirasobanuka neza ku cyatumye uyu mugabo yirukanwa cyane ko yari afite n’ubwenegihugu bw’iki gihugu akaba ari nakavukire.Hari amakuru avuga ko ubwo Miguna yari afunze,Leta ya Canada yandikiye Guverinoma ya Kenya iyisaba ibisobanuro ku ifungwa ry’umuturage wabo wari ukomeje gutotezwa.