Kigali

Kiliziya Gatolika yahamagariye abaturage indi myigaragambyo yo kweguza Kabila

Amakuru   Yanditswe na: Iyamuremye Janvier 11 February 2018 Yasuwe: 1005

Ihuriro CLC, rihuriyemo amashyirahamwe yiganjemo abayoboke ba Kiliziya Gatolika muri Repubulika iharanira Demokarasi ya Congo ryahamagariye abaturage b’iki gihugu indi myigaragambyo yo gusaba perezida Joseph Kabila kuva ku butegetsi amazeho imyaka 17.

Kabila yagiye ku butegetsi mu 2001 asimbuye se Laurent Desire Kabila wari umaze kwicwa arashwe. Iyi myigaragambyo n’ikorwa izaba ibaye ku nshuro ya Gatatu kuko kuva tariki 31 Ukuboza 2017 Kiliziya Gatolika imaze gukora imyigaragarambyo inshuro ebyiri isaba ko Perezida Joseph Kabila ava ku butegetsi.

Iyi myigaragambyo ikomeje kurwamo benshi

CLC bashyize hanze itangazo rihamagarira abaturage kwitabira imyigaragambyo rigira riti “Ku itariki 25 Gashyantare, 2018 tuzindukane n’iyonka, twamagane ubutegetsi bw’igitugu tutarebye ubudasa bw’insengero cyangwa amadini tuyoboka.”

Amatora y’umukuru w’igihugu muri Repubulika iharanira Demokarasi ya Congo, ateganyijwe ku wa 23 Ukuboza,2018.

VOA iravuga ko abari gutegura iyi myigaragambyo basaba perezida Kabila kutazongera kwiyamamaza bashingira ku kuba manda ze 2 yemerewe n’amategeko zararangiye mu 2016.

MONUSCO iri mu butumwa bwo kugarura amahoro mu Burasirazuba bwa Congo iherutse gutangaza ko abantu 15 bamaze kuburira ubuzima bwabo muri iyi myiaragambyo yatiniye mu mpera z’umwaka ushize.

Umuvugizi wa Guverinoma ya Repubulika Iharanira Demokarasi ya Congo (RDC), Lambert Mende, usanzwe ari na Minisitiri w’itumanaho kuya 08 Gashyantare, 2018 yatangaje ko Perezida Joseph Kabila atiteguye kongera kwiyamamariza manda ya gatatu y’umukuru w’igihugu,yanavuze ko Kabila atazangaza umukandida ukwiye kumusimbura.

Yagize ati “Ubu ntabwo ari ubwami aho umwami ashyiraho umusimbura. Ni Repubulika ishingiye kuri demokarasi.”

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burundi: Ikihishe inyuma yo kuba uwari umuyobozi w’ imbonerakure yagizwe...

Perezida w’ u Burundi Pierre Nkurunziza yakoze impinduka muri guverinoma...
21 April 2018 Yasuwe: 953 0

Umwami Mswati III wa Swaziland yahinduye izina ry’iki gihugu

Umwami Mswati III wa Swaziland yahinduye izina ry’iki gihugu Izina rishya...
20 April 2018 Yasuwe: 1292 1

Ijambo Julius Malema yavugiye ku kiriyo cya Winnie Mandela ryatumye yitwa...

Ijambo Julius Malema yavugiye mu kiriyo cyo gusezera mu cyubahiro...
14 April 2018 Yasuwe: 6194 0

Syria yashwanyurije mu kirere ibisasu 71 mu birenga 103 yarashweho

Nyuma y’igitero cyagabwe muri Siriya, kigabwe na Leta Zunze Ubumwe za...
14 April 2018 Yasuwe: 6103 1

Icyatumye umugore w’umwami Mswati III yiyahura cyateye abantu benshi...

Mswati lll yapfushije umwe mu bagore be 15 nyuma h’aho yasanzwe yiyahuye...
13 April 2018 Yasuwe: 12129 0

Mu itangazo ry’ibyemezo by’Inama y’Abaminisitiri yateranye kuri uyu wa...

Kuri uyu wa Gatatu, tariki ya 11 Mata 2018, Inama y’Abaminisitiri yateraniye...
12 April 2018 Yasuwe: 7001 1