Perezida Félix-Antoine TShisekedi yarahiriye kongera kuyobora RDC muri manda ya kabiri akesha amatora yabaye tariki ya 20 n’iya 21 Ukuboza 2023.

Sponsored Ad

Uyu muhango wayobowe na Perezida w’Urukiko rushinzwe kurinda Itegeko Nshinga rya RDC, Dieudonné Kamuleta Badibanga, muri Stade des Martyrs yari yuzuyemo abantu ibihumbi 80, iherereye mu Mujyi wa Kinshasa kuri uyu wa 20 Mutarama 2024.

Perezida Tshisekedi yatsinze amatora ku majwi 73,34%, nk’uko byemejwe na Komisiyo yigenga ishinzwe amatora muri iki gihugu, CENI.

Irahira rya Félix Tshisekedi ryitabiriwe n’abaperezida basaga 2 bo muri Afrika. Muri 2018 hari batatu, 2011 hari 1; mu gihe 2006 ubwo J. Kabila yatorwaga hari 9.

Irahira rya Perezida Félix-Antoine TShisekedi i Kinshasa ryitabiriwe n’abaperezida barimo:

 Perezida wa Guinea Bissau, Umaro Sissoco Embalo,
 Perezida wa Equatorial Guinea,Théodore Obiang Nguema,
 Perezida Macky Sall wa Senegali,
 Perezida wa Djibouti, Ismaïl Omar Guelleh
 Perezida wa Malawi, Lazaro Chakwera
 Perezida wa Angola João Lourenço
 Perezida wa Kenya, William Ruto
 Perezida w’u Burundi Évariste Ndayishimiye
 Perezida wa Afurika y’Epfo Cyril Ramaphosa
 Perezida wa Gabon, Brice Clotaire Oligui Nguema
 Perezida wa Zanzibar Hussein Mwinyi
 Perezida wa Tchad, Mahamat Idriss Déby
 Perezida wa Tanzaniya Samia Suluhu,
 Perezida wa Sao Tome na Principe, Carlos Vila Nova,
 Perezida wa Repubulika ya Centrafrique, Faustin-Archange Touadéra,
 Perezida wa Ghana, Akufo-Addo
 Perezida wa Repubulika ya Zimbabwe, Emmerson Mnangagwa,
 Perezida wa Repubulika ya Kongo, Denis Sassou-Nguesso,
 Perezida wa Repubulika ya Gambiya, Adama Barrow
 Perezida wa Zambiya, Hakainde Hichilema,
 abandi bahagarariye abakuru b’ibihugu naza guverinoma
 intumwa nyinshi.