skol
Kigali
startimes

Perezida Buhari yamaganye bagenzi be baturanye bashaka kwiyamamariza manda ya 3 bitemewe

Amakuru   Yanditswe na: Dusingizimana Remy 8 September 2020 Yasuwe: 887

Perezida Muhammadu Buhari wa Nigeria yasabye abategetsi bo mu karere k’Afurika y’uburengerazuba kubahiriza igihe cya manda giteganywa n’itegekonshinga.


Amagambo ya Perezida Buhari aje akurikira ibyemezo bya Perezida Alassane Ouattara wa Côte d’Ivoire na Perezida Alpha Condé wa Guinée-Conakry batangaje ko baziyamamaza kuri manda ya gatatu mu bihugu byabo mu matora yo muri uyu mwaka.

Bwana Buhari yabivuze ejo ku wa mbere mu nama y’umuryango w’ubukungu w’ibihugu by’Afurika y’uburengerazuba (CEDEAO/ECOWAS) yabereye i Niamey mu murwa mukuru wa Niger, ikiga no ku kibazo cya politike muri Mali.

Mu mpera y’ukwezi kwa karindwi, ishyaka riri ku butegetsi muri Côte d’Ivoire ryagennye ku mugaragaro Perezida Alassane Ouattara ngo aziyamamaze kuri manda ya gatatu mu matora yo ateganyijwe kuba mu kwezi gutaha.

Mu kwezi kwa gatatu uyu mwaka, Bwana Ouattara w’imyaka 78 - umaze imyaka 10 ku butegetsi - yari yavuze ko urubyiruko rukwiye guhabwa umwanya wo gutegeka, avuga ko atazongera kwiyamamaza.

Amadou Gon Coulibaly wari Minisitiri w’intebe we ndetse yifuzaga ko ari we wamusimbura, yapfuye azize umutima ku itariki ya 8 y’ukwezi kwa karindwi.

Icyemezo cya Perezida Ouattara cyo kongera kwiyamamaza cyateje imyigaragambyo mu gihugu. Abamunenga bavuga ko kinyuranyije n’itegekonshinga.

No mu gihugu gituranyi cya Guinée-Conakry habaye imyigaragambyo irimo urugomo nyuma yuko Perezida Condé w’imyaka 82 avuze ko aziyamamaza mu matora ateganyijwe kuba mu kwezi gutaha kwa cumi, kuri manda ya gatatu itavugwaho rumwe.

Bwana Condé amaze imyaka 10 ku butegetsi.

Iyo nama y’umunsi umwe y’umuryango wa CEDEAO yitabiriwe n’abakuru b’ibihugu umunani - muri 15 biwugize - barimo ba perezida wa Ghana, Sénégal na Burkina Faso.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amerika yagarutse kandi yiteguye kuyobora isi-Joe Biden

Joe Biden watorewe kuba Perezida w’Amerika yatangaje abategetsi batandatu...
25 November 2020 Yasuwe: 2401 0

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1860 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1617 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 1063 0

Amatora muri US: Urukiko rwatesheje agaciro ibyifuzo bya Trump muri...

Umucamanza muri leta ya Pennsylvania yanze ibirego byari byatanzwe...
22 November 2020 Yasuwe: 1230 1

“Muri gukina n’umuriro”-Perezida Museveni abwira Bobi Wine n’abarwanashyaka...

Perezida wa Uganda ,Yoweli Kaguta Museveni yabwiye mugenzi we Bobi Wine...
20 November 2020 Yasuwe: 6830 0