Kigali

Perezida Donald Trump arasabwa kwegura mbere y’ uko yeguzwa

Amakuru   Yanditswe na: Nsanzimana Ernest 7 August 2017 Yasuwe: 4445

Umwe mu bagize inteko ishinga amategeko ya Leta zunze ubumwe z’ Amerika asanga Perezida w’ iki gihugu Donald Trump akwiye kwegura mbere y’ intego rusange yo kumweguza iterana.

Madamu Jackie Speier umwe mu ntumwa za rubanda zigize komisiyo y’ ubutasi muri iki gihugu avuga ko impamvu Trump agomba kwegura ari uko yateje umwuka mubi hagati y’ Amerika n’ Uburusiya.

Uyu mugore avuga ko kuba Trump yarafashe umwanzuro wo kohereza James Comey wahoze akuriye ikigo cy’ Amerika gishinzwe ubutasi kujya kugenzura niba Uburusiya bwarivanze mu matora aheruka ya Perezida w’ Amerika ari impamvu yatuma hatorerwa ingingo yo kumweguza.

Yagize ati “Mpora numva akwiye kutarangiza iyi manda, mpamanya n’ umutima wanjye ko akwiye kwegura mbere y’ uko dutorera ingingo yo kumweguza”

Ikinyamakuru Afrikmag dukesha iyi nkuru cyatangaje ko mu wa Gatanu w’ icyumweru gishize tariki 4 Kanama hatangajwe amakuru avuga ko umujyanama wihariye wa Trump Robert Mueller yahawe inshingano zo gukurikirana ikibazo cyo kuba Uburusiya bwaba bwarivanze mu matora y’ Amerika. Ayo makuru yavugaga ko uyu Robert Mueller yahawe misiyo yo kugoreka ikirego kugira ngo kweguzwa kwa Trump biburizwemo.

Bivugwa ko uko kwivanga k’ Uburusiya mu matora y’ Amerika aribyo byatumye Donald Trump atsinda Helary Clinton bari bahanganye mu matora ya Perezida wa Leta zunze ubumwe z’ Amerika yabaye umwaka ushize.

Mu kiganiro Madamu Speier yahaye Radio kuri uyu wa Mbere tariki 7 Kanama yagize ati “ Ndibwira ko byumvikana kuba Inteko rusange igomba kweguza Perezida (Trump)… Ntabwo bigiye guhita biba kano kanya niyo mpamvu Trump akwiye guhita atera indi ntambwe akagarura Mr. Mueller”

Amatora ya Perezida w’ Amerika yabaye tariki 1 Ukuboza 2016, Trump atsinda Helary Clinton bari bahanganye. Uburusiya buhakana ibyo kuba bwarivanze mu matora y’ Amerika.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abasirikare 6 ba Congo biciwe mu mirwano yazihuje n’ingabo z’u...

Abasirikare batandatu ba Republika iharanira demokrasi ya Kongo biciwe mu...
16 February 2018 Yasuwe: 5196 0

Ibintu 7 bitazibagirana kuri Jacob Zuma ubaye uwa 3 wegujwe nta maraso...

Jacob Zuma w’ imyaka 75 y’ amavuko ubaye Perezida wa 3 wo muri Afurika...
16 February 2018 Yasuwe: 2873 0

Ministri w’Ububanyi n’Amahanga w’Ubuholandi ushinjwa kubeshya yeguye

Kuri uyu wa 14 Gashyantare, 2018 Ministiri w’Ububanyi n’amahanga w’Ubuholandi...
16 February 2018 Yasuwe: 478 0

Morgan Tsvangirai wigeze kuba Minisitiri w’ Intebe wa Zimbabwe...

Umukuru w’ abatavuga n’ ubutegetsi bwa Zimbabwe Morgan Tsvangirai yitabye...
15 February 2018 Yasuwe: 932 0

Jacob Zuma atangaje ko yeguye ku buyobozi bwa Afurika y’Epfo

Ahagana saa tanu z’ijoro ryo kuri uyu wa 14 Gashyantare, 2018 Perezida Jacob...
14 February 2018 Yasuwe: 1588 0

Sudani y’Epfo: Abapolisi b’u Rwanda bitabiriye isiganwa ku maguru

Abapolisi b’u Rwanda bari mu butumwa bwo kubungabunga amahoro bw’umuryango...
14 February 2018 Yasuwe: 376 0