Kigali

Perezida Erdogan yavuze ko ashobora kuzica abagerageje kumurikira ku butegetsi

Amakuru   Yanditswe na: Nsanzimana Ernest 16 July 2017 Yasuwe: 1197

Perezida wa Turikiya, Recep Tayyip Erdoğan, yashimye abantu, barimo abadepite, avuga ko barwanye kuri demokarasi na Leta ye.

Yavuze kandi ko ashyigikiye igihano cy’urupfu ku bagize uruhare mu gikorwa cyo kugerageza guhirika ubutegetsi bwe.

Kuwa Gatandatu mu mijyi ya Istanbul na Ankara muri Turikiya abantu benshi bahuriye hamwe ngo bibuke umwaka ushize bamwe mu basirikare bagerageje guhirika ubutegetsi bikabapfubana.

Abo basirikare icyo gihe barashe ku nyubako za leta kandi banarasa ku baturage b’abasivili muri icyo gikorwa cyabapfubanye.

Abantu barenga magana abiri na mirongo itandatu bahasize ubuzima.

Abantu 2196 bakomeretse barwanya bamwe mu basirikare barimo bagerageza guhirika ubutegetsi ku itariki ya 15 z’ukwezi kwa karindwi mu mwaka ushize.

Guhera icyo gihe leta ya Turikiya yatangiye guhiga bukware abagize uruhare muri icyo gikorwa.

Imaze kwirukana abakozi ba leta barenga ibihumbi 150 naho abantu bagera ku bihumbi 50 batabwa muri yombi.

Ihirikwa ry’ubutegetsi ryaburijwemo kubera impamvu nyinshi zirimo kutabasha gushyigikirwa n’inzego zo hejuru mu gisirikare ndetse no kudashyigikirwa n’abaturage.



Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble KAGABO Israel

    ERDOGAN agiye kumara abantu.Yafunze ibihumbi byinshi by’abaturage be,none arashaka no kubica.Politike ijyana no kwica,inzangano,etc...Niyo mpamvu YESU yasize abujije abakristu nyakuri kutivanga mu byisi.Nawe bashatse kumugira umwami aranga.Imana izamugira umuyobozi w’isi yose izahinduka paradizo (Revelations 11:15).Iyo si nshya dutegereje ivugwa muli 2 Petero 3:13,izaturwamo gusa n’abantu bumvira imana kandi bakayikorera.Wenda wakwibaza uti "nakorera imana gute?".Icyo kibazo YESU yagishubije muli Yohana 14:12.Gukorera imana,ni gukora UMURIMO Yesu nawe yakoraga wo KUBWIRIZA abantu ubwami bw’imana.Ubanza kwiga neza Bible ikaguhindura,ukajya mu materaniro,warangiza nawe ukajya mu nzira ukabwiriza abantu nkuko YESU n’abigishwa be babigenzaga.Ntabwo ari kujya kurya Ukarisitiya kwa Padiri cyangwa guha Pastor icyacumi.Ntabwo ariwo mulimo Abigishwa ba YESU bakoraga.

    July 2017

Inzindi nkuru

Burundi: Ikihishe inyuma yo kuba uwari umuyobozi w’ imbonerakure yagizwe...

Perezida w’ u Burundi Pierre Nkurunziza yakoze impinduka muri guverinoma...
21 April 2018 Yasuwe: 3421 0

Umwami Mswati III wa Swaziland yahinduye izina ry’iki gihugu

Umwami Mswati III wa Swaziland yahinduye izina ry’iki gihugu Izina rishya...
20 April 2018 Yasuwe: 1633 1

Ijambo Julius Malema yavugiye ku kiriyo cya Winnie Mandela ryatumye yitwa...

Ijambo Julius Malema yavugiye mu kiriyo cyo gusezera mu cyubahiro...
14 April 2018 Yasuwe: 6372 0

Syria yashwanyurije mu kirere ibisasu 71 mu birenga 103 yarashweho

Nyuma y’igitero cyagabwe muri Siriya, kigabwe na Leta Zunze Ubumwe za...
14 April 2018 Yasuwe: 6238 1

Icyatumye umugore w’umwami Mswati III yiyahura cyateye abantu benshi...

Mswati lll yapfushije umwe mu bagore be 15 nyuma h’aho yasanzwe yiyahuye...
13 April 2018 Yasuwe: 12196 0

Mu itangazo ry’ibyemezo by’Inama y’Abaminisitiri yateranye kuri uyu wa...

Kuri uyu wa Gatatu, tariki ya 11 Mata 2018, Inama y’Abaminisitiri yateraniye...
12 April 2018 Yasuwe: 7009 1