Kigali

Perezida Mugabe yanze kuva ku butegetsi

Amakuru   Yanditswe na: Nsanzimana Ernest 20 November 2017 Yasuwe: 1109

Perezida Mugabe yanze kuva ku butegetsi

Mu ijambo yatangambukije kuri televiziyo y’ igihugu ZBC Perezida wa Zimbabwe Robert Gabriel Mugabe yanze gutanga ubutegetsi anongeraho ko ari we uzayobora inama y’ inteko rusange y’ ishyaka ZANU-PF iteganyijwe mu kwezi gutaha kwa 12.

Perezida Mugabe yavuze ko yumvise ibibazo byatanzwe n’ abagenerali bifuza ko ava ku butegetsi. Ngo ibyo bibazo abasirikare bagaragaraje bishingiye ku buryo igihugu kiyobowe no ku bibazo biri mu ishyaka ZANU – PF riri ku butegetsi.

Uyu muperezida ushaje cyane kurusha abandi mu Isi yavuze ko Zimbabwe igikeneye gusubira mu cyo yise ‘ubuzima busanzwe’

Iyi mbwirwaruhame Perezida Mugabe yayitambukije akikijwe n’ abasirikare bakuru barimo n’ amaze iminsi bamusaba kuva ku butegetsi.

Yasoje ijambo rye atavuze ko yeguye ku butegetsi nk’ uko benshi bari babyiteze cyane ko n’ igihe ntarengwa yari yahawe ngo abe yamaze kuva ku butegetsi cyarangiye atabikoze.

Kuva ku wa Gatatu w’ icyumweru gishize abajenerali mu gisirikare cya Zimbabwe bafashe ubutegetsi, bavuga ko babikoze mu rwego rwo gushakira umuti ibibazo biri mu ishyaka ZANU – PF riyoboye Zimbabwe.

Aba bajenerali bakoze ibi nyuma y’ uko uwari Visi Perezida yari amaze iminsi ahungiye mu gihugu cya Afurika y’ Epfo nyuma yo kwirukanwa na Perezida Robert Mugabe.

Nyuma y’ uko abasirikare batangiriye kugenzura Zimbabwe, abantu batandukanye barimo na Alassane Ouattrara wahoze ari Perezida wa Cote d’ Ivoire basabye Mugabe kuva ku butegetsi.

Ku wa Gatandatu ushize muri Zimbabwe habaye imyigaragarambyo ikomeye yitabiriwe n’ ababarirwa mu bihumbi bose intero ari imwe ‘gusaba Mugabe kuva ku butegetsi’

Perezida Mugabe afatwa nk’ intwari muri Afurika by’ umwihariko mu gihugu cye Zimbabwe bitewe no kuba yarambuye ibikingi abazungu bari barabyigaruriye, gusa n’ ubwo bimeze gutyo abenshi bifuza ko yava ku butegetsi bitewe n’ uko ashaje (imyaka 93 y’ amavuko) no kuba igihugu ayoboye cyugarijwe n’ ibibazo by’ ubukungu birimo no kuba amafaranga y’ igihugu cya Zimbabwe magingo yarataye agaciro ku buryo butari bwarigeze bubaho mu Isi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Dore ibintu 7 utamenye byagizwe ubwiru ku buzima bw’umunyagitugu Mobutu Sese...

Mobutu Sese Seko Kuku Ngbendu Wa Za Banga niko yihimbaga ariko ubundi...
15 August 2018 Yasuwe: 4492 3

Umukandida mu matora ya Perezida wa Mali yamaganye ibizava mu matora mbere...

Mbere y’ uko hatangazwa ibyavuye mu matora ya Perezida wa Mali, umukandida...
14 August 2018 Yasuwe: 281 0

Ishyaka PSD ryizeje abatuye Ngoma ubuhinzi n’ ubworozi buteye imbere...

Ishyaka riharanira imibereho myiza n’ iterambere ry’abaturage PSD ryijeje...
13 August 2018 Yasuwe: 802 0

Amerika irimo gushyira igitutu ku Bwongereza kubera Irani

Ambasaderi wa Amerika mu Bwongereza yasabye k’umugaragaro Minisitiri w’...
13 August 2018 Yasuwe: 659 0

Sebukwe na nyirabukwe ba Perezida Trump bagizwe Abanyamerika

Sebukwe na nyirabukwe ba Perezida Donald Trump wa Leta Zunze Ubumwe za...
10 August 2018 Yasuwe: 1772 0

Bamwe mu bagore bo muri Argantine bababajwe n’ uko bimwe uburenganzira bwo...

Sena y’Argentina yanze umushinga w’itegeko ryajyaga kwemerera abagore...
9 August 2018 Yasuwe: 401 0