skol
Kigali
startimes

Perezida Museveni akomeje kwanikira Bobi Wine mu majwi y’agateganyo

Amakuru   Yanditswe na: Dusingizimana Remy 15 January 2021 Yasuwe: 4605

Perezida Yoweri Museveni wa Uganda ari imbere mu majwi amaze gutangazwa by’agateganyo na komisiyo y’amatora mu gitondo cyo kuri uyu wa gatanu.

Museveni amaze kugira amajwi 1,536,205 (65.02%) mu gihe undi ukomeye mu bahatanye nawe Robert Kyagulanyi uzwi nka Bobi Wine afite amajwi 647,146 (27.39%).

Ibi ni ibyavuye ku biro by’itora 8,310 mu biro by’itora byose hamwe 34,684 biri mu gihugu nk’uko iyo komisiyo ibivuga.

Abantu barenga miliyoni 18 bari biyandikishije kuri liste y’itora muri Uganda.

Komisiyo y’amatora ejo kuwa kane yavuze ko guhanahana ibiva ku biro by’amatora biri bukorwe neza nubwo mu gihugu nta internet ihari.

Perezida Museveni, kuri ubu ufite imyaka 76 y’amavuko, amaze imyaka irenga 30 ategeka Uganda - guhera mu mwaka wa 1986.

Afite amahirwe menshi yo gutsindira manda ya 6 yo kuyobora Uganda cyane ko uko bihagaze ubu ari hejuru ya Bobi Wine wari ufite imyaka 4 ubwo Perezida Museveni yatangiraga kuyobora Uganda.

Perezida Yoweli Kaguta Museveni yavutse ku wa 15/09/1944 avukira mu gace ka Ntungamo mu majyepfo ya Uganda.

Afite umugore witwa Janet Museveni babyaranye abana bane aribo Muhoozi,Natasha Karugire,Patience na Diana.

Museveni avukana n’uwitwa Salim Salem na mushiki we Violet Kajubiri,Uyu mugabo yize amashuri ye yisumbuye ku kigo cya Ntare School ,akomereza Kaminuza muri mu gihugu cya Tanzaniya muri Kaminuza ya Dar es Salam akaba yarigaga ibijyanye na Politiki n’ubukungu ,aha kandi niho amateka ye n’urugendo rwe muri Politiki rutangirira.

Mu mwaka wa 1978 ubwo Idi Amin yateraga agace ko mu majyaruguru ya Tanzaniya ,Uwari Perezida Mwarimu Julius Nyerere ,yafashe icyemezo cyo gutera Uganda birangira ,igisirikare cya Idi Amin gitsinzwe ahungira i mahanga,nibwo Nyerere yahise ahuza umutwe wari warashinzwe na Museveni n’igisirikare cya Uganda.Idi Amin yahiritswe ku butegetsi mu mwaka wa 1985 asimburwa na Gen Tito Lutwa Okello wahise ahirikwa na Museveni 1986.

Idi Amin akimara kuva ku butegetsi nibwo Obote yagiye ku butegetsi binyuze mu matora ariko nibwo na Museveni yahise agaruka muri Uganda n’abari bamushyigikiye bajya mu gace k’icyaro ari naho bahise batangirira ishyaka rifite umutwe witwara gisirikare ryiswe PRA (Popular Resistance Army) akaba aribo baje kurwanya ubutegetsi bwa Obote bafite igisirikare cyitwaga Uganda National Liberation Army (UNLA).

Uyu mutwe waje kwihuza n’undi bibyara NRM (National Resistance Movement).

Uyu mutwe washinjaga ubutegetsi bwa Obote kumungwa na ruswa,gukandamiza rubanda ,kutagira politiki zihamye mu kuzahura ubukungu,gukandamiza rubanda no kwica abaturage n’abatavuga rmwe nawe abaziza ubusa.

Mu mwaka wa 1986 nibwo Museveni yageze ku butegetsi nyuma yo guhirika Bwana Obote,nyuma yagiye atsinda amatora inshuro 5 zose aheruka kwiyamamaza,n’uyu munsi ahanaganye n’Umuhanzi Bobi Wine.

Amwe mu matariki yaranze ubutegetsi bwa Kaguta Museveni

1.Ku itariki 26/01/1986 Yoweri Kaguta yabaye Perezida wa Uganda.

2.Mu kwezi kwa gatanu 1996 yatowe bwa mbere nka Perezida wa Uganda atorerwa ku majwi 74.2%.

3.Mu kwezi kwa gatatu kuwa 24,1998 uwari Perezida w’amerika Bill Clinton yahuye na Museveni mu gihugu cya Uganda.

4.Mu kwezi kwa gatatu 2001 yatorewe manda ya kabiri atorerwa ku majwi 69,3%.

5. KU itariki ya 6 Ukwezi kwa gatanu 2002 yahuriye nuwari perezida w’Amerika George W.Bush baganira ku buryo ibicuruzwa bya Uganda byagera ku isoko rya Amerika.

6.Mu kwezi Munani 2005 Itegeko nshinga rya Ugangda ryarahinduwe.

7.Mu kwezi kwa cumi na kumwe 2010 Museveni yasohoye indirimbo yise U want another Rap nk’uburyo bwo kwiyamamaza.

8.Ku itarki 20 z’ukwezi kwa kabiri 2011 Museveni yatsiniye manada ya kane ku majwi 68%.

9.Mu kwezi kwa kabiri 2016 Museveni yatsindiye manda ya gatanu.

10. ku itarki ya 24 z’ukwezi kwa karindwi 2019 umuhanzi Bobi Wine w’imyaka 38 yatangaje ko azahangana na Museveni mu matora

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Inama y’abakuru b’ibihugu ya EAC igiye guterana ku nshuro ya 21 yiga ku...

Kuri uyu wa Gatandatu tariki ya 27 Gashyantare 2021 hazaba inama izahuza...
26 February 2021 Yasuwe: 3151 0

Amerika yatangaje ko yavuganye n’inzego zo hejuru cyane mu Rwanda ku rubanza...

Kuri uyuwa kane tariki ya 25 Gashyantare 2021, ibiro bishinzwe ububanyi...
26 February 2021 Yasuwe: 7446 0

Perezida Tshisekedi yashyizeho Minisitiri w’intebe mushya wo kumufasha...

Perezida wa Repubulika ya Demokarasi ya Kongo,Felix Tshisekedi,yemeje Bwana...
15 February 2021 Yasuwe: 4310 0

Perezida Biden yaganiriye bwa mbere na Xi Jinping w’Ubushinwa bamaze iminsi...

Perezida Joe Biden yamubwiye ku burenganzira bwa muntu muri Xinjiang mu...
11 February 2021 Yasuwe: 4081 0

US: Urubanza rwa Donald Trump ruratangira kuri uyu wa Kabiri

Mu rubanza rwa Donald Trump, abanyamategeko be bavuze ko abakunzi be bateye...
9 February 2021 Yasuwe: 3256 0

Umukuru wa Sena ya DR Congo nawe ejo ashobora kweguzwa

Ejo kuwa gatanu inteko ishingamategeko ya Congo umutwe wa Sena izaterana...
4 February 2021 Yasuwe: 3308 0