Urukiko rushinzwe kurinda itegekonshinga rya Uganda, rwanzuye ko Perezida Yoweri Kaguta Museveni yemerewe kongera kwiyamamaza ku nshuro ya gatandatu mu gihe yaba abishaka.

Sponsored Ad

Uyu mwanzuro w’urukiko uje ushimangira impinduka ziherutse gukorwa mu itegekonshinga rya Uganda. Nyuma y’ uko zemejwe n’inteko ishingamategeko mu kwezi kwa cumi na abiri umwaka ushize wa 2017, zikuraho ikigero cy’imyaka 75 y’amavuko nka ntarengwa ngo umuntu abe yakwiyamamariza kuba perezida wa Uganda.

Perezida Museveni, kuri ubu ufite imyaka 73 y’amavuko, amaze imyaka irenga 30 ategeka Uganda kuko yahereye mu mwaka wa 1986.

Umwe mu bacamanza yavuze ko abaturage bagifite ububasha bwo kutamutora niba batakimushaka.
Ntibiramenyekana niba Perezida Museveni azongera kwiyamamaza mu matora ateganyijwe mu mwaka wa 2021.

Mbere, hari hasanzwe hariho manda ebyiri z’imyaka itanu imwe imwe kuri perezida wa Uganda. Ariko ibi byakuweho n’inteko ishingamategeko mu mwaka wa 2005